مغربی یورپ میں سیلاب سے ہلاکتوں کی تعداد 120 ہو گئی، سیکڑوں لاپتہ

غیر ملکی خبر رساں ادارے کے مطابق مغربی یورپ میں طوفانی بارشوں اور دریاؤں میں طغیانی سے،جرمنی، بیلجیم،نیدرلینڈ،لکسمبرگ،سوئٹزرلینڈ متاثر ہوئے ہیں ۔جرمنی میں سیلاب سے ہلاکتوں کی تعداد 100 سے زیادہ ہوگئی، بیلجیم میں 22 ہلاکتیں رپورٹ ہوئیں۔

جرمن ریاستوں رائن لینڈ پلاٹینیٹ اور نارتھ رائن ویسٹ فیلیا میں سب سے زیادہ تباہی ہوئی ،جرمنی میں وقت گزرنے کے ساتھ لاپتہ ہونے والوں کی تعداد میں بھی مسلسل اضافہ ہو رہا ہے، اب تک 1300 افراد لاپتہ ہوگئے ہیں ۔جرمنی سے سیلاب سے  بنیادی انفراسٹرکچر مکمل تباہ   ہوگیا ، نقصان کا تخمینہ ایک  ارب یورو لگایا جا رہا ہے۔