امریکہ بھارت کشیدگی: نریند ر مودی سات سال کے طویل وقفےکے بعد چین کا دورہ کریں گے

نئی دہلی: امریکہ اور بھارت کے مابین جاری ٹیرف وار اوربڑھتی ہوئی کشیدگی پربھارتی وزیراعظم نریندر مودی سات سال کے طویل وقفے کے بعد پہلی بار چین کا دورہ کریں گے۔ 

بھارت کے سرکاری ذرائع کے مطابق وزیر اعظم نریندر مودی 31 اگست سے شروع ہونے والے شنگھائی تعاون تنظیم (SCO) کے اجلاس میں شرکت کے لیے چین کےشہر تیانجن جائیں گے۔

جون 2018 کے بعدمودی کا یہ چین کا پہلا سرکاری دورہ ہوگا تاہم بھارتی وزارت خارجہ نے اس حوالے سے کسی تبصرے سے گریز کیا ہے۔

دوسری جانب مودی کو کینیڈا کے وزیرِاعظم کارنی نے G7 اجلاس میں بطور مہمان شرکت کی دعوت دی ہے، اور مودی کا آئندہ کینیڈا کا دورہ بھی دس سال بعد ہوگا، جو کہ نئے عالمی منظرنامے میں توجہ کا حامل ہو گااس دورے کو ایک بڑا سفارتی امتحان سمجھا جا رہا ہے۔

خیال رہے کہ یہ دورہ ایک ایسے وقت میں ہو رہا ہے جب بھارت اور امریکہ کےدرمیان کشیدگی اپنے عروج پر ہے،اور حال ہی میں امریکی صدر نے بھارت پر روس تیل درآمد کرنے کی وجہ سے پیلے 25 فیصد اور بعد میں مزید 25فیصد ٹیرف عائد کیا۔

 امریکی صدر ڈونلڈ ٹرمپ نے بھارت سے درآمد کی جانے والی اشیاء پر ایشیائی ممالک میں سب سے زیادہ ٹیکس عائد کر دیے ہیں اور روسی تیل کی خریداری پر بھارت کو مزید سزا اور پابندیوں کی دھمکی بھی دی ہے۔