شہریوں کے لیے اچھی خبر،بجلی کی فی یونٹ قیمت میں نمایاں کمی،نوٹیفکیشن جاری

اسلام آباد: مہنگائی سے پریشان عوام کے لیے اچھی خبر سامنے آئی ہے نیپرانے شہریوں کے لیے بجلی کی فی یونٹ قیمت میں نمایاں کمی کر دی۔

اس حوالے سے نیشنل پاور اینڈ ریگولیٹری اتھارٹی (نیپرا ) کی جانب سے بجلی کی قیمتوں میں کمی کا نوٹیفکیشن جاری کر دیا گیا ہے۔

جاری کر دہ نوٹیفکیشن کے مطابق سہ ماہی ایڈجسٹمنٹ کے تحت بجلی 1.88 روپے فی یونٹ سستی کرنے کی منظوری دے دی ہے۔

نیپراکی جانب سے بجلی کی قیمتوں میں کمی اپریل تا جون  2025  کی سہ ماہی ایڈجسٹمنٹ میں منظورکی گئی،بجلی کی قیمت میں کمی کا اطلاق کے الیکڑک سمیت تمام ڈسکوز صارفین پر ہو گا۔

نوٹیفکیشن کے مطابق بجلی کی قیمت میں کمی کا اطلاق اگست تا اکتوبر 2025 کے 3 ماہ کے لیے ہوگا۔

جاری نوٹیفکیشن کے مطابق اس فیصلے سے بجلی صارفین کو کمی کا 55 ارب 87 کروڑ 40 لاکھ روپے کا ریلیف ملے گا،بجلی کی قیمت میں کمی کا اطلاق لائف لائن اور پری پیڈ صارفین پر نہیں ہوگا۔

نیپرا کے مطابق بجلی کی قیمت میں کمی کا اطلاق لائف لائن اور پری پیڈ صارفین پر نہیں ہوگا۔

اسی طرح نیپرا نے جون 2025 کی ماہانہ ایڈجسٹمنٹ کی مد میں بھی بجلی 78 پیسے فی یونٹ سستی کرنے کا نوٹیفکیشن جاری کردیا ہے،جس کے مطابق جون 2025 کی ماہانہ ایڈجسٹمنٹ کی مد میں بجلی کراچی کے سوا باقی ملک کے لیے 78 پیسے فی یونٹ سستی کی گئی ہے۔

نوٹیفکیشن میں کہا گیا ہے کہ بجلی صارفین کو کمی کاریلیف اگست کے بلوں میں ملے گا، جبکہ بجلی کی قیمت میں اس کمی کا اطلاق کے الیکڑک صارفین پر نہیں ہوگا۔

خیال رہے کہ بجلی تقسیم کار کمپنیز نے سہ ماہی ایڈجسٹمنٹ میں بجلی سستی کرنے کی درخواست کی تھی ، نیپرا نے سہ ماہی ایڈجسٹمنٹ کی درخواست پر 4 اگست کوسماعت کی تھی۔