پنجاب میں ڈینگی ایک دفعہ پھر سر اٹھانے لگا،مزید 9 افراد بیماری میں مبتلا

لاہور:صوبہ پنجاب میںڈینگی ایک دفعہ پھر سر ٹھانے لگ گیا،گزشتہ 48 گھنٹوں کے دوران 9 ڈینگی کیسز سامنے آگئے۔ 

محکمہ صحت پنجاب کے مطابق ڈینگی کے سب سے زیادہ 5 کیسز مری کی یوسی گیل میں رپورٹ ہوئے۔

 محکمہ صحت پنجاب نے مزید بتایا کہ راولپنڈی میں 1 اور ٹیکسلا میں 2 افراد ڈینگی وائرس میں مبتلا ہوئے،اسی طرح راولپنڈی کی 7 یونین کونسلز میں ڈینگی لاروا پایا گیا ہے۔

 محکمہ صحت پنجاب کے مطابق ڈینگی وائرس کے 5 مریض ضلع کے مختلف ہسپتالوں میں زیر علاج ہیں۔