ملک دشمن عناصر پاکستان کو عدم استحکام سے دوچار کرنے کی کوششیں کررہے ہیں،علی امین گنڈا پور

پشاور: وزیراعلیٰ خیبرپختونخوا علی امین گنڈاپور نے کہا ہے کہ بہت سے ملک دشمن عناصر پاکستان کو عدم استحکام سے دوچار کرنے کی کوششیں کررہے ہیں، دہشتگردی کسی کو قبول نہیں، کیونکہ اس سے سب یکساں طور پر متاثر ہورہے ہیں۔ 

تفصیلات کے مطابق وزیر اعلیٰ خیبر پختونخوا علی امین گنڈاپور کی زیر صدارت صوبائی کابینہ کا اجلاس ہوا۔

دوران اجلاس علی امین گنڈاپور نے خطاب کرتے ہوئے کہا کہ دشمن عناصر ملک کو عدم استحکام سے دوچار کرنے کی کوششیں کر رہے ہیں۔ اور صوبے میں امن کے لیے جرگوں کا سلسلہ شروع کیا ہے۔

انہوں نے کہا کہ دہشتگردی کے خلاف عوام کو آن بورڈ لینا اور ان کا اعتماد حاصل کرنا ہے۔ اور دہشتگردی جس طرح بڑھ رہی ہے یہ قابل قبول نہیں۔

علی امین گنڈاپور نے کہا کہ حکومت کی عملداری کو ہر صورت برقرار رکھنا ہے۔ باجوڑ کا مسئلہ مذاکرات سے حل کرنے کے لیے جرگے نے بہت کوششیں کیں۔ تاہم مذاکرات ناکام ہونے کے بعد ٹارگٹڈ کارروائیاں کی جا رہی ہیں،ان کا مزید کہنا تھا کہ رضاکارانہ اپنی مرضی سے گھر بار چھوڑنے والوں کو سہولیات فراہم کی جائیں گی۔

علی امین گنڈاپور نے مزیدکہاکہ دہشتگردی کے خلاف کارروائیوں میں سویلین کا نقصان قابل قبول نہیں چاہے وہ کسی بھی طرف سے ہو، وفاق نے افغانستان کے ساتھ مذاکرات پر آمادگی ظاہر کی ہے، صوبائی حکومت اس سلسلے میں ہوم ورک کررہی ہے۔