Advertisement
علاقائی

خیبر پختونخوا :بارشوں سے جانی ومالی نقصان، وزیراعلی کا صوبے میں ایک روزہ سوگ کا اعلان

علی امین گنڈاپور نے متعلقہ ضلعی انتظامیہ اور ریسکیو اداروں کو متاثرہ علاقوں میں فوری امدادی کارروائیاں تیز کرنے کی ہدایت دی ہے۔

GNN Web Desk
شائع شدہ ایک سال قبل پر اگست 16 2025، 10:18 صبح
ویب ڈیسک کے ذریعے
خیبر پختونخوا :بارشوں سے جانی ومالی نقصان، وزیراعلی کا صوبے میں ایک روزہ سوگ کا اعلان

پشاور: خیبر پختونخواکے مختلف علاقوں میں حالیہ شدید بارشوں اور سیلابی صورتحال کے باعث ہونے والے جانی نقصانات پر وزیرِ اعلیٰ خیبر پختونخواعلی امین گنڈاپور نے صوبے بھر میں ایک روزہ سوگ کا اعلان کیا ہے۔

اس حوالے سے صو بائی حکومت کی جانب سے اعلامیہ جا ری کر دیا گیا ہے۔

جاری کر دہ اعلامیے کے مطابق آج خیبرپختونخوا کے تمام سرکاری دفاتراورعمارتوں پرقومی پرچم سرنگوں رہے گا۔

دوسری جانب علی امین گنڈاپور نے متعلقہ ضلعی انتظامیہ اور ریسکیو اداروں کو متاثرہ علاقوں میں فوری امدادی کارروائیاں تیز کرنے کی ہدایت دی ہے اورعوام سے بھی اپیل کی ہے کہ احتیاطی تدابیراختیار کریں اورکسی بھی ایمرجنسی کی صورت میں متعلقہ حکام سے فوری رابطہ کریں۔

انہوں نے جاں بحق افراد کے اہلِ خانہ سے دلی تعزیت کا اظہار کیا اورزخمیوں کی جلد صحتیابی کے لیے دعا کی۔

وزیر اعلی کے پی نے سیلاب سے متاثرہ اضلاع کے لیے ہنگامی بنیادوں پر کروڑوں روپے کے فنڈز جاری کرتے ہوئے امدادی سرگرمیوں کو مزید تیز کرنے کی ہدایات کر دیں ۔

Advertisement
رجحانات
Advertisement