Advertisement
تفریح

قوالی کے بے تاج بادشاہ استاد نصرت فتح علی خان کو مداحوں سے بچھڑے 28 برس بیت گئے

قوالی کے 125 البم ریکارڈ کروانے پر استاد نصرت فتح علی خان کا نام گنیز بک آف ورلڈ ریکارڈ میں میں بھی شامل ہے۔

GNN Web Desk
شائع شدہ ایک سال قبل پر اگست 16 2025، 10:25 صبح
ویب ڈیسک کے ذریعے
قوالی کے بے تاج بادشاہ استاد نصرت فتح علی خان کو مداحوں سے بچھڑے 28 برس بیت گئے

ویب ڈیسک: قوالی کے بے تاج بادشاہ اور دنیا بھر میں پاکستان کا نام روشن کرنے والے استاد نصرت فتح علی خان کو دنیا سے رخصت ہوئے 28 بر س کا عرصہ بیت گیا، مگران کی جادوئی آواز آج بھی سننے والوں کے دلوں کو چھو لیتی ہے۔

شہنشاہ قوالی نے فیصل آباد کے ایک قوال گھرانے میں 13 اکتوبر 1948 کو آنکھ کھولی ، 16 سال کی عمر میں قوالی کا فن سیکھا، قوالی کے ساتھ غزلیں، کلاسیکل اور صوفی گیت بھی گائے۔

انہوں نے قوالی کو عالمی سطح پر روشناس کرایا،انکی آواز میں ایسی روحانیت، طاقت اورسوز تھا کہ سامعین بے خود ہو جاتے۔ “یہ جو ہلکا ہلکا سرور ہے”، “دم مست قلندر” اور “اللہ ہو” ، ’’اکھیاں اڈیک دیاں‘‘، ’’گورکھ دھندہ‘‘ جیسی لا زوال قوالیوں نے انہیں شہرت کی بلندیوں تک پہنچایا۔

 استاد نصرت فتح علی خان کا گایا گیا ہر گیت پاکستان اور بھارت سمیت دنیا کے کونے کونے تک پہنچا اور امر ہوگیا۔

استاد نصرت فتح علی خان نے نہ صرف پاکستان بلکہ دنیا بھرمیں اپنی فنکارانہ مہارت کا لوہا منوایا اورصوفی موسیقی کو مغرب تک پہنچایا ان کے اندازِ قوالی کو آج بھی نئے فنکار مشعلِ راہ مانتے ہیں۔

قوالی کے 125 البم ریکارڈ کروانے پر استاد نصرت فتح علی خان کا نام گنیز بک آف ورلڈ ریکارڈ میں میں بھی شامل ہے۔

سحر انگیز آواز اور شخصیت کے حامل استاد نصرت فتح علی خان گردوں کے عارضہ میں مبتلا ہوئے اور 49 برس کی عمر میں 16 اگست 1997ء کو اپنے چاہنے والوں کو روتا چھوڑ کر منوں مٹی تلے جا سوئے۔

 

Advertisement
رجحانات
Advertisement