Advertisement
تفریح

ہدایتکار سید نور اور اداکارہ صائمہ نور فلم " ویلکم ٹو پنجاب" دیکھنے سینما پہنچ گئے

فلم بنانا میرا شوق اور جنون ہے، فلم انڈسٹری کے اچھے دن آنے والے ہیں،پرڈیوسر

GNN Web Desk
شائع شدہ ایک سال قبل پر اگست 19 2025، 6:42 شام
ویب ڈیسک کے ذریعے
ہدایتکار سید نور اور  اداکارہ صائمہ نور فلم " ویلکم ٹو پنجاب" دیکھنے سینما پہنچ گئے

لاہور: ہدایتکار سید نور اور  اداکارہ صائمہ نور فلم " ویلکم ٹو پنجاب" دیکھنے سینما پہنچ گئے۔

فلم اسٹار صائمہ نور کو دیکھ کر لوگوں نے تصاویر اور سیلفیاں بنائیں،سید نور اور صائمہ نور نے پروڈیوسر صفدر ملک ،زرقا شاہد ، عیسیٰ اور شاہ ظل کے ہمراہ فلم دیکھی۔

اس موقع پر ہدایتکار سید نور نے کہا کہ صفدر ملک نے ماضی میں بھی اچھی فلمیں پروڈیوس کی ہیں،صائمہ اور میں ویلکم ٹو پنجاب کو پروموٹ کرنے آئے ہیں۔

انہوں نے مزید کہا کہ ہم فلم انڈسٹری کے لوگ ہیں،پاکستانی  فلم کو پروموٹ کرنا اپنا حق سمجھتے ہیں۔

سید نور  نے  کہا کہ صائمہ کہیں نہیں جاتیں،وہ اس فلم کو دیکھنے اور  پروموٹ کرنے آئی ہیں، جو لوگ کہتے ہیں فلم والے  ایک دوسرے کی ٹانگیں کھینچتے ہیں،ہم ٹانگیں کھینچنے نہیں بلکہ ٹانگیں مضبوط کرنے آئے ہیں،دل مضبوط کرنے آئے ہیں ۔

فلم پروڈیوسر صفدر ملک نے کہا کہ سید نور اور صائمہ نور کا شکریہ، فلم بنانا میرا شوق اور جنون ہے، فلم انڈسٹری کے اچھے دن آنے والے ہیں۔

Advertisement
رجحانات
Advertisement