40 ملی میٹر سے زائد بارش کی صورت میں صورتحال خراب ہو جاتی ہے، 100 ملی میٹر بارش ہو چکی ، مئیر کراچی

میئر کراچی مرتضیٰ وہاب نے کہا ہے کہ اگر بارش 40 ملی میٹر سے زائد ہوتی ہے تو صورتحال خراب ہو جاتی ہے، اور آج صبح سے اب تک شہر میں 100 ملی میٹر سے زائد بارش ہو چکی ہے۔

مرتضیٰ وہاب نے کہا کہ لوگوں کو تنقید کرنے کا حق ہے، لیکن حقیقت بھی جاننی ضروری ہے۔ شہر میں 2 گھنٹے مسلسل بارش ہوئی اور ابھی بھی بارش جاری ہے۔ ہم سب سڑکوں پر ہیں اور صورتحال کا جائزہ لے رہے ہیں۔

میئر کراچی نے کہا کہ وہ سمجھتے ہیں کہ لوگ پریشان ہیں، لیکن درخواست کی کہ لوگ غیر ضروری طور پر گھروں سے نہ نکلیں۔ انہوں نے مزید کہا کہ بارش کا سلسلہ ختم ہونے کے بعد تقریباً ڈیڑھ گھنٹے میں صورتحال معمول پر آ جاتی ہے۔

مرتضیٰ وہاب نے کہا کہ شہر میں 100 ملی میٹر سے زائد بارش ہو چکی ہے، اور اگر بارش 40 ملی میٹر سے زیادہ ہو تو صورتحال پیچیدہ ہو جاتی ہے۔