کراچی میں موسلادھار بارش سے شہر کا انفراسٹرکچر متاثر، انٹرنیٹ اور موبائل سروسز بھی متاثر

کراچی میں صبح سے جاری موسلادھار بارش کے باعث شہر کا انفراسٹرکچر متاثر ہونا شروع ہو گیا ہے۔

وقفے وقفے سے جاری بارشوں نے اہم شاہراہوں کو بند کر دیا ہے، جس سے ٹریفک کا نظام درہم برہم ہو گیا اور شہری سڑکوں پر پھنس گئے۔ دوسری جانب، شہر کے مختلف علاقوں میں بجلی کی فراہمی بھی ابھی تک بحال نہیں ہو سکی۔

موسلادھار بارش کے اثرات اب انٹرنیٹ اور موبائل سروسز پر بھی پڑنے لگے ہیں۔

دنیا بھر میں انٹرنیٹ کی بندش پر نظر رکھنے والے ادارے "نیٹ بلاکس" کے مطابق، پاکستان میں انٹرنیٹ کنیکٹیویٹی شدید متاثر ہو چکی ہے۔

کراچی میں صبح سے جاری موسلادھار بارشوں سے انٹرنیٹ اور موبائل سروسز متاثر

یاد رہے کہ کراچی میں آج صبح سے وقفے وقفے سے جاری بارشوں نے نظام زندگی کو شدید متاثر کیا ہے، جس کے نتیجے میں مختلف حادثات میں 8 افراد جان کی بازی ہار گئے ہیں۔

حکومت سندھ نے فیصلہ کیا ہے کہ کل شہر میں تمام سرکاری اور نجی اسکول بند رہیں گے۔