حکام نے کہا کہ یہ ویڈیوز عوامی اخلاقیات اور سماجی اقدار کے منافی تھیں، جس کی بنیاد پر ٹک ٹاکر کو گرفتار کیا گیا اور تحقیقات کا آغاز کیا گیا، جس سے نیا انکشاف سامنے آیا


مصر کی مقبول مگر متنازع ٹک ٹاکر ’یاسمین‘ کے لڑکا ہونے کا انکشاف سامنے آیا، جس کے بعد ان کے لاکھوں فالوورز بھی حیران رہ گئے۔
خلیجی اخبار گلف نیوز کے مطابق، مصری پولیس کی تحقیقات میں یہ حیران کن انکشاف ہوا کہ ’یاسمین‘ دراصل 18 سالہ طالب علم عبدالرحمٰن ہے، جو مبینہ طور پر نقاب پوش ہو کر ویڈیوز پوسٹ کر رہا تھا۔
مصری حکام کے مطابق عبدالرحمٰن کو دریائے نیل کے قریب شہر شرقیہ گورنریٹ سے گرفتار کیا گیا، جہاں پولیس کو ’یاسمین‘ کی مبینہ فحش رقص کی ویڈیوز کے حوالے سے متعدد شکایات موصول ہوئی تھیں۔
حکام نے کہا کہ یہ ویڈیوز عوامی اخلاقیات اور سماجی اقدار کے منافی تھیں، جس کی بنیاد پر ٹک ٹاکر کو گرفتار کیا گیا اور تحقیقات کا آغاز کیا گیا، جس سے نیا انکشاف سامنے آیا۔
پراسیکیوٹرز نے ابتدائی طور پر عبدالرحمٰن کو چار دن کی تحویل میں رکھنے کا حکم دیا اور اس کا فرانزک میڈیکل معائنہ بھی کیا گیا، بعد ازاں انہیں 5,000 مصری پاؤنڈ (تقریباً 105 ڈالر) کے عوض ضمانت پر رہا کر دیا گیا۔
عبدالرحمٰن نے اعتراف کیا کہ اس نے فالوورز بڑھانے اور اشتہاری آمدنی حاصل کرنے کے لیے یہ اکاؤنٹ بنایا تھا۔
عبدالرحمٰن کے گاؤں عزبت العنشاء کے لوگ اس واقعے پر شدید حیرت کا شکار ہوئے، کیونکہ وہ اپنی طلاق یافتہ والدہ کے ساتھ رہتا ہے۔
مصری وزارت داخلہ کے مطابق گرفتار ٹک ٹاکر کے اکاؤنٹ پر ایک نوجوان خاتون کو فحش لباس میں اشتعال انگیز رقص کرتے دکھایا گیا تھا، جس نے جلد ہی توجہ حاصل کی اور شکایات کے بعد پولیس تحقیقات شروع ہوئیں۔
تحقیقات کے دوران پتہ چلا کہ ’یاسمین‘ دراصل عبدالرحمٰن تھا، جس نے اعتراف کیا کہ اس نے زیادہ ویوز اور پیسہ کمانے کے لیے ایک خاتون کی نقاب پوشی کی تھی۔
وزارت کا کہنا ہے کہ عبدالرحمٰن پر جعل سازی اور عوامی اخلاقیات کے منافی مواد شائع کرنے کے الزامات عائد کیے گئے ہیں، اور اس کا فون اور آن لائن اکاؤنٹس بطور ثبوت ضبط کر لیے گئے ہیں۔
یہ گرفتاری مصر میں سوشل میڈیا پر ’غیر اخلاقی مواد‘ کے خلاف جاری کریک ڈاؤن کے تناظر میں ہوئی ہے۔
حالیہ برسوں میں کئی خواتین ٹک ٹاک انفلوئنسرز کو رقص کی ویڈیوز یا طرز زندگی سے متعلق مواد پوسٹ کرنے پر گرفتار کیا گیا، اور بعض کو قید کی سزا بھی سنائی گئی، جسے پراسیکیوٹرز نے نامناسب قرار دیا تھا۔

پشاور میں نادرا کا اسسٹنٹ ڈائریکٹر فائرنگ سے جاں بحق
- 14 days ago

انڈر 19 ایشیا کپ: پاکستان نے بھارت کو 3 وکٹ سے شکست دے دی
- 12 days ago

پی پی 203 چیچہ وطنی کے ضمنی انتخاب میں مسلم لیگ (ن) کا امیدوار بازی لے گیا
- 12 days ago

پیٹرول اور ڈیزل کی قیمتوں میں کمی کا اعلان
- 15 days ago

راولپنڈی: گھر سے خاتون اینکر ربیعہ احسن کی گولی لگی لاش برآمد
- 12 days ago

پولیس افسران کی ترقیوں کے خلاف پنجاب حکومت کی اپیلیں خارج
- 13 days ago

نئی لالی وڈ فلم ’عاشق رنگ رنگیلے‘ سینما گھروں کی زینت بن گئی
- 13 days ago

وی آئی پی وزٹ کی وجہ سے امتحانات ملتوی کرنے پر ڈی سی جہلم عہدے سے فارغ
- 12 days ago

پاکستانی فلم ’میرا لیاری‘ نے بیلاروس کے معروف لسٹاپڈ فلم فیسٹیول میں اسپیشل جیوری ایوارڈ جیت لیا
- 13 days ago

ڈی جی آئی ایس پی آر کی لاہور کی جامعات آمد، طلبہ سے خصوصی نشستیں
- 13 days ago

پاکستان اور تاجکستان کی مشترکہ فوجی مشق دوستی تھری چراٹ میں اختتام پذیر
- 14 days ago
پہلے ایل پی جی اوراب بجلی بم گرا دیا گیا
- 13 days ago





