سی ایس ایس کے امتحانی نتائج کا اعلان،کتنے فیصد امیدوار کامیاب ہوئے؟

اسلام آباد: فیڈرل پبلک سروس کمیشن( ایف پی ایس سی) نےسینٹرل سپرئیر سروس( سی ایس ایس) 2025 کے تحریری امتحان کے نتائج کا اعلان کر دیا۔

فیڈرل سروس کمیشن نے امتحانی نتائج کی فہرست اپنی ویب سائٹ پر جاری کر دی ہے۔

 ترجمان ایف پی ایس سی کے مطابق سی ایس ایس کے تحریری امتحان میں پاس ہونے والے امیدواروں کی شرح 2.77 فیصد رہی۔

ترجمان کے مطابق امتحان کیلئے 18 ہزار 139 امیدواروں نے درخواست دی تھی جن میں سے 12 ہزار 792 امیدوار شریک ہوئے، تاہم صرف 354  کامیاب ہو سکے، اس طرح کامیابی کا تناسب محض 2.77 فیصد رہا۔

ترجمان کا کہنا ہے کہ جن امیدواروں کے کیسز مسترد کیے گئے ہیں ان کے نتائج قواعد کے مطابق روک دیے گئے ہیں تاہم کامیاب امیدواروں کو آئندہ مراحل کے لیے جلد مطلع کیا جائے گا۔