ویکسین کی دو خوراکیں لگوانے کے باوجود برطانوی وزیر صحت کورونا میں مبتلا

غیر ملکی خبر رساں ایجنسی کے مطابق برطانوی وزیر صحت ساجد جاوید نے گزشتہ روز اپنا کورونا ٹیسٹ کروایا تھا جو مثبت آ گیا۔

ساجد جاوید کا کہنا ہے کہ بیماری کی علامات ظاہر ہوئی تھیں جس کے بعد کورونا ٹیسٹ کروایا۔ رپورٹ مثبت آنے کے بعد خود کو قرنطینہ کر لیا ہے اور گھر سے ہی اپنی خدمات سرانجام دوں گا۔

ان کا کہنا تھا کہ کورونا ویکسین لگوانے کے باعث ان میں کورونا کی انتہائی معمولی علامات ہیں تاہم امید ہے وہ جلد ٹھیک ہو جائیں گے۔

برطانوی وزیر نے سماجی رابطے کی ویب سائٹ ٹوئٹر پر اپنے کورونا نتائج مثبت آنے کی اطلاع دی اور لوگوں سے اپیل کی کہ وہ کورونا کی ویکسین لازمی لگوائی تاکہ اس بیماری سے بچا جا سکے۔

This morning I tested positive for Covid. I’m waiting for my PCR result, but thankfully I have had my jabs and symptoms are mild.

Please make sure you come forward for your vaccine if you haven’t already. pic.twitter.com/NJYMg2VGzT

— Sajid Javid (@sajidjavid) July 17, 2021

انہوں نے کہا کہ کورونا ویکسین لگوانے کے باعث ان میں کورونا کی علامات انتہائی کم ہیں۔

برطانوی وزیر صحت ساجد جاوید جمعہ کو برطانوی وزیر اعظم بورس جانسن سے ملے تھے۔ساجد جاوید نے کورونا کی پہلی ویکسین 17 مارچ اور دوسری ویکسین 16 مئی کو لگوائی تھی۔