حکومت ماحول کی بہتری کے لیے اقدامات کر رہی ہے:وزیراعظم

وزیراعظم عمران خان نے لاہور کےجیلانی پارک میں اربن فاریسٹ منصوبے کا افتتاح کر دیا۔ تقریب سے خطاب کرتے ہوئے وزیراعظم عمران خان کا کہنا تھا کہ پچھلے 12-13 سالوں میں لاہور میں درخت کم ہوے ہیں، لاہورمیں اربن فاریسٹ کیلئے 50سائٹس کاانتخاب اچھااقدام ہے،میاواکی اربن فاریسٹ زبردست اقدام ہے،لاہورکےلوگ چاہتےہیں شہرمیں ہریالی ہو،لاہور میں جہاں گرین ایریا ملے وہاں پودا لگا لو،اربن فاریسٹ کی 50سائٹس گوگل کےذریعےدکھائی جائیں اور اربن فارسٹ کی 50سائٹس بارےلوگوں کو بتایاجائے۔

ان کا مزید کہنا تھا کہ آج سے 10ارب درخت لگانےکاآغازکردیا،ہم زیتون کےجنگلات اگانےجارہےہیں، چندسال میں پاکستان زیتون درآمدکےبجائےبرآمدکرےگا،بدقسمتی سےحکومتیں 5 سال کی منصوبہ بندی کرتی ہیں،ملک کامستقبل 5سال نہیں لانگ ٹرم پلاننگ سےمحفوظ ہوتاہے،حکومت بھی ماحول کی بہتری کے لیے اقدامات کر رہی ہے۔

انہوں نے مزید کہا کہ ملک کےتمام جنگلات ختم ہونےسےموسم پرمنفی اثرپڑا،اسموگ انسانوں کی زندگیوں کیلئے بہت خطرناک ہے،اسموگ خاموش قاتل ہے،دنیامیں اسموگ پرریسرچ کی جاچکی ہے،لاہورمیں آلودگی کی شرح بڑھ رہی ہے،گزشتہ ادوارمیں لاہورکا 70فیصدگرین بیلٹ ختم کردیاگیا،فضائی آلودگی بزرگوں اوربچوں کیلئےبہت نقصان دہ ہے۔

وزیراعظم نے مزید کہا کہ میں لاہور میں پیدا ہوا ہوں مجھے یہاں کہ سب ایولیوشن یاد ہے،لاہور میں درخت اور کھیت تھے، لاہور بڑا ہرا شہر تھا،شہر بڑا تھا آبادی بڑھتی گئی،ہم نے سوچا نہیں کہ آبادی کے بڑھنے کیساتھ ماحولیات کا بھی خیال رکھنا ہے، لاہور کے لوگ چاہتے ہیں یہاں درخت اگیں جنگلات ہوں۔