سیلابی صورتحال کے پیش نظر پنجاب میں ضمنی انتخابات ملتوی

الیکشن کمیشن نے پنجاب میں حالیہ سیلابی صورتحال کے باعث قومی اور صوبائی اسمبلی کے نو حلقوں میں ضمنی انتخابات ملتوی کرنے کا اعلان کر دیا ہے۔

اس فیصلے کا باضابطہ نوٹیفکیشن جاری کرتے ہوئے بتایا گیا ہے کہ قومی اسمبلی کے حلقے این اے 66 وزیرآباد، این اے 96 فیصل آباد، این اے 129 لاہور اور این اے 143 ساہیوال میں ضمنی انتخابات موخر کر دیے گئے ہیں۔

جب کہ صوبائی اسمبلی کے حلقے پی پی 73 سرگودھا، پی پی 87 میانوالی، پی پی 98 فیصل آباد اور پی پی 203 ساہیوال بھی اس فیصلے کی زد میں آئے ہیں۔ الیکشن کمیشن کے مطابق سیلابی صورتحال کے باعث عوام کو درپیش مشکلات اور انتظامی رکاوٹوں کے پیش نظر فی الوقت انتخابات کا انعقاد ممکن نہیں، اور ان حلقوں کے لیے نئی تاریخوں کا اعلان بعد میں کیا جائے گا۔