انڈونیشیا : قرآن خوانی کی تقریب کے دوران عمارت گر گئی، 3 افرادجاں بحق، 80 سے زائد زخمی

جکارتہ: جنوب مشرقی ایشیائی ملک انڈونیشیا میں قران خوانی کی تقریب کے دوران عمارت کی چھت گرگئی جس کے نتیجے میں 3 افراد جاں بحق جبکہ 80 سے زائد زخمی ہو گئے۔

غیر ملکی میڈیا کے مطابق یہ واقعہ انڈونیشیا کےصوبے مغربی جاوا کے ضلع بوگور میں اس وقت پیش آیا جب تقریباً 100 افراد، جن میں زیادہ تر خواتین شامل تھیں، میلاد النبیؐ کے موقع پر قرآن خوانی کے لیے جمع تھے۔

مقامی ڈیزاسٹر مینجمنٹ ایجنسی حکام کے مطابق ابتدائی اعداد و شمار کے مطابق 84 افراد زخمی ہوئے جنہیں اسپتال منتقل کیا گیا، جبکہ 3 افراد جاں بحق ہو گئے۔

حکام کے مطابق عمارت زیادہ رش کی وجہ سے دباؤ برداشت نہ کر سکی اور اچانک منہدم ہو گئی۔ زخمیوں میں زیادہ تر کو معمولی چوٹیں آئیں اور سب افراد کو ریسکیو کر لیا گیا ہے۔