بلوچستان میں کورونا وائرس کےکیسزمیں اضافہ

تفصیلات کے مطابق گزشتہ 24گھنٹوں میں بلوچستان میں کوروناپھیلنے کی شرح5.92فیصدرپورٹ ہوئی ہے ،گزشتہ24گھنٹوں میں صوبے میں 67نئےکیسز رپورٹ ہوئے ہیں ۔

محکمہ صحت بلوچستان حکام کے مطابق  گز شتہ چوبیس گھنٹوں کے دوران سب سے زیادہ کیسز گوادر میں 12کوئٹہ میں 21تربت میں 24 کیسز رپورٹ ہوئے ہیں ، مثبت کیسز صوبے کے10اضلاع سے رپورٹ ہوئے ہیں ۔

صوبے میں کورونا کے مصدقہ کیسز کی تعداد28ہزار830ہوگئی ہے، بلوچستان میں کورونا سے صحت یاب افراد کی تعداد27ہزار340ہوگئی ہے۔

گزشتہ روز صوبے میں کورونا کے1131ٹیسٹ کئے گئے ہیں ۔