خیبرپختونخوا میں کم از کم ماہانہ اجرت 40 ہزار روپے مقرر

خیبرپختونخوا حکومت نے صوبے بھر میں کم از کم ماہانہ اجرت میں 4 ہزار روپے کا اضافہ کرتے ہوئے اسے 40 ہزار روپے مقرر کرنے کی منظوری دے دی ہے۔ اس فیصلے کا باضابطہ اعلامیہ بھی جاری کر دیا گیا ہے۔

نئی اجرت کے مطابق صوبے میں یومیہ کم از کم اجرت 1538 روپے ہوگی۔ یہ فیصلہ موجودہ مالی سال کے بجٹ میں اجرتوں کے حوالے سے کیے گئے اعلان کے مطابق کیا گیا ہے۔

سندھ میں اجرت کا موازنہ خیال رہے کہ اس سے قبل سندھ حکومت نے بھی جولائی 2025 میں کم از کم ماہانہ اجرت 40 ہزار روپے مقرر کر دی تھی۔

سندھ مینیمم ویجز بورڈ کے نوٹیفکیشن کے مطابق:

نیم ہنرمند افراد کے لیے کم از کم اجرت: 41,280 روپے ، ہنرمند افراد کے لیے: 48,910 روپے ، اعلیٰ ہنرمند افراد کے لیے: 50,868 روپے

یہ اضافہ سندھ منیمم ویجز ایکٹ 2015 کے تحت کیا گیا تھا، جس کا اطلاق یکم جولائی 2025 سے ہوا۔