مولانا عبد الخبیر نے سعودی ولی عہد کو پیغام دیتے ہوئے کہا "پاکستان کا ہر بچہ حرمین شریفین کے تحفظ کے لیے کھڑا ہوگا۔ دشمن قوتیں سن لیں، باطل مٹے گا اور حق بلند ہوگا


پاکستان اور سعودی عرب کے درمیان حالیہ دفاعی معاہدوں کی خوشی میں جمعہ کے روز ملک بھر میں یومِ تشکر منایا گیا۔ اس موقع پر مساجد میں نمازِ جمعہ کے اجتماعات میں شرکت کرنے والے افراد نے دونوں برادر اسلامی ممالک کی سلامتی اور ترقی کے لیے خصوصی دعائیں کیں۔
لاہور میں یومِ تشکر کی ایک خصوصی تقریب سے خطاب کرتے ہوئے چیئرمین رویت ہلال کمیٹی اور مجلس علما پاکستان کے سربراہ مولانا عبد الخبیر آزاد نے ان معاہدوں کو "تاریخی اور عظیم" قرار دیا اور کہا کہ پوری قوم اس کامیاب شراکت داری پر اللہ کا شکر ادا کر رہی ہے۔
انہوں نے کہا "خادم الحرمین الشریفین شاہ سلمان بن عبدالعزیز، سعودی ولی عہد شہزادہ محمد بن سلمان، اور پاکستان کے فیلڈ مارشل کو سلام پیش کرتا ہوں۔ حرمین شریفین سے ہمارا رشتہ کلمہ طیبہ کی بنیاد پر ہے، اور ان کا تحفظ ہمارے ایمان کا حصہ ہے۔"
مولانا عبد الخبیر نے مزید کہا کہ پاکستان اور سعودی عرب کے درمیان یہ اشتراک دشمن قوتوں کے لیے پریشانی کا باعث ہے۔
"اس معاہدے سے اسرائیل بوکھلاہٹ کا شکار ہے، اور پاکستان کا پرچم مزید بلند ہوا ہے۔"
انہوں نے جنرل عاصم منیر کی قیادت کو سراہتے ہوئے کہا "جنرل عاصم منیر نے حق کے پرچم کو بلند رکھا اور مودی جیسے دشمنوں کے سامنے سیسہ پلائی دیوار بنے۔ ہم نے تین گھنٹے میں دشمن کو خاک چٹوا دی، اور دنیا کو بتا دیا کہ ہم ’نعرہ تکبیر‘ والے ہیں۔"
مولانا عبد الخبیر نے سعودی ولی عہد کو پیغام دیتے ہوئے کہا "پاکستان کا ہر بچہ حرمین شریفین کے تحفظ کے لیے کھڑا ہوگا۔ دشمن قوتیں سن لیں، باطل مٹے گا اور حق بلند ہوگا۔"
انہوں نے ریاست پر حملہ کرنے والوں کو "گناہ کبیرہ کا مرتکب" قرار دیتے ہوئے کہا کہ "ایسے عناصر کا ملک میں کوئی جواز نہیں، فتنۂ خوارج اور دشمن ایجنڈے کو اب مزید برداشت نہیں کیا جائے گا۔"
ادھر پشاور کی تاریخی مسجد مہابت خان میں بھی یومِ تشکر کے موقع پر خصوصی دعائیں کی گئیں۔
اس موقع پر چیف خطیب مولانا طیب محمد قریشی نے ملک کی سلامتی اور امت مسلمہ کے اتحاد کے لیے دعا کرائی۔
مولانا طیب قریشی نے کہا "ہمیں فخر ہے کہ اللہ تعالیٰ نے حرمین شریفین کی حفاظت کے لیے پاکستان کو منتخب کیا۔ دشمن سن لے، پاکستان کے لیے مکہ اور مدینہ سے پیغام آچکا ہے۔ آج کا دن دو قومی نظریے کی سچائی کی گواہی ہے۔ قوم کو چاہیے کہ وہ فوج اور ریاست کے ساتھ کھڑی ہو جائے۔"

پی سی بی سینٹرل کنٹریکٹس کا اعلان کر دیا گیا، رضوان، امام، صائم اور شان مسعود جگہ بنا نے میں ناکام
- 21 گھنٹے قبل

وی آئی پی وزٹ کی وجہ سے امتحانات ملتوی کرنے پر ڈی سی جہلم عہدے سے فارغ
- 14 دن قبل

پی پی 203 چیچہ وطنی کے ضمنی انتخاب میں مسلم لیگ (ن) کا امیدوار بازی لے گیا
- 14 دن قبل

الزامات کی بجائے خطے کے مسائل کوحل کرنے کی ضرورت ہے، مصدق ملک کی نئی دہلی میں میڈیا سے گفتگو
- ایک دن قبل

پاکستان اور انڈونیشیا کی مشترکہ فوجی مشق ایلانگ اسٹرائیک تھری پبی میں اختتام پذیر
- ایک دن قبل

نیشنل گرڈ پاکستان کا بجلی کے ترسیلی نظام کو مضبوط بنانے کیلئے 100 ارب روپے کے صکوک پروگرام کا منصوبہ
- 2 دن قبل

متروکہ وقف املاک بورڈ کے 359ویں اجلاس کا دوسرا روز، 13 اہم ایجنڈا آئٹمز زیر بحث
- 2 دن قبل

شعیب ایوب بٹالوی کی موٹیویشنل تقریر نے حاضرین کے دل جیت لیے
- 2 دن قبل

پاکستان میں فی تولہ سونا ہزاروں روپے سستا ہوگیا
- ایک دن قبل

پیٹرول اور ڈیزل کی نئی قیمتوں کا اعلان
- 2 دن قبل

فیلڈ مارشل سید عاصم منیر کا خیبر پختونخوا میں امن و استحکام برقرار رکھنے کے عزم کا اعادہ
- 2 دن قبل

دورہ میران شاہ: آرمی چیف کا دہشتگردی کی لعنت کو فیصلہ کن طور پر ختم کرنے کے عزم کا اظہار
- 2 دن قبل



