وزیر خارجہ اسحاق ڈار کی جرمن ہم منصب سے ملاقات، دوطرفہ، علاقائی اور عالمی امور پر تبادلہ خیال

نیویارک: اقوام متحدہ کی جنرل اسمبلی کے 80ویں اجلاس کے موقع پر نائب وزیر اعظم و وزیر خارجہ سینیٹر محمد اسحاق ڈار نے جرمنی کے وزیر خارجہ ڈاکٹر جوہان واڈے فول سے ملاقات کی۔
تفصیلات کے مطابق اقوام متحدہ جنرل اسمبلی کے سیشن کے موقع پر ہونے والی ملاقات میں دوطرفہ، علاقائی اور عالمی امور پر تبادلہ خیال کیا گیا۔
دوران ملاقات دونوں رہنماؤں نے پاکستان اور جرمنی کے درمیان تجارت، سرمایہ کاری، ترقی، ماحولیاتی تبدیلی، ہنر مند افرادی قوت کی منتقلی اور عوامی روابط کو مزید فروغ دینے پر اتفاق کیا۔
اس سے قبل وزیر خارجہ اسحاق ڈار نے اسحاق ڈار نے کوسٹاریکا کے وزیر خارجہ سے بھی ملاقات کی۔

اقوام جنرل اسمبلی اجلاس کی سائیڈ لائن میں دونوں رہنماؤں کے درمیان ہونے والی ملاقات میں دوطرفہ تعلقات مزید مستحکم بنانے پر اتفاق کیا، پاکستان اور کوسٹاریکا کا کثیرالجہتی تعاون مضبوط بنانے کے عزم کا اظہار کیا۔