ہیومن پیپیلو ماوائرس کا خاتمہ،پاکستان میں پہلی ایچ پی وی ویکسینیشن مہم جاری

اسلام آباد:پاکستان میں پہلی دفعہ ایچ پی وی ویکسینیشن میہم جاری ہے جس کا مقصد ہیومن پیپیلو ماوائرس کا خاتمہ ہے۔

اس حوالے سے پسماندہ علاقوں میں ویکسین سے متعلق پائے جانے والے ابہام کو دور کرنے کے لیے فلاحی تنظیم نے اسٹریٹ ٹھیٹر کا اہتمام کیا ہے جس میں بچیوں اور انکے والدین ڈاکومینٹریز دکھائی جارہی ہیں تاکہ انھیں ویکسین سے متعلق شعور دیا جاسکے۔

ماہرین صحت کے مطابق ہیومن پیپیلو ماوائرس سرویکل کینسر کی بڑی وجہ ہے۔

 15ستمبر سے شروع ہونے والی ویکسینیشن 27ستمبر تک جاری رہے گی جس میں 9سے 14سال کی بچیوں کی ایچ پی وی ویکسینیشن کی جائے گی،اس حوالے سے عالمی ادارہ صحت نے 49000ہیلتھ ورکرز کی تربیت کی ہے۔

خیال رہے کہ پاکستان میں عام طور پر خواتین سرویکل کینسر کا زیادہ شکار ہوتی ہیں،ملک بھر میں سرویکل کینسر کے 5000کیسز سامنے آئے ہیں اور 3000اموات ہوچکی ہیں۔

محتاط اندازے کے مطابق دنیا بھر میں 11.3فیصد خواتین اور 21 فیصد مرد ہیومن پیپیلو ماوائرس میں مبتلا ہیں ۔