ایشیا کپ کے فائنل کے لیے پاکستانی ٹیم اور بھارت کی ٹیموں کو حتمی شکل دیدی گئی

دبئی میں آج ہونے والے ایشیا کپ کے فائنل کے لیے پاکستان اور بھارت کی ٹیموں کو حتمی شکل دیدی گئی۔

پاکستان اور بھارت کے درمیان ایشیا کپ کا فائنل آج شام دبئی میں کھیلا جائے گا، پاک بھارت ٹاکرے کو دیکھنے کے لیے ہاؤس فل ہوگا اور شائقین کو دلچسپ مقابلہ ہونے کی توقع ہے۔

میڈیا رپورٹس کے مطابق ایشیا کپ کے فائنل میں بھارت کے خلاف پاکستان ٹیم میں حسن نواز کی واپسی کا کوئی امکان نہیں ہے تاہم صائم ایوب کا بیٹنگ آرڈر تبدیل ہو سکتا ہے۔ حارث رؤف بھارت کے خلاف فائنل کے لیے مکمل فٹ ہیں۔

دوسری جانب بھارتی ٹیم میں فٹنس مسائل سنجیدہ نوعیت کے نہیں ہیں، ٹورنامنٹ کے ٹاپ اسکورر ابھیشک شرما مکمل فٹ ہیں جبکہ تلک ورما بھی فائنل کے لیے فٹ قرار دے دیئے گئے ہیں۔ بھارتی ٹیم میں جسپریت بمرا اور شیوم دوبے کی واپسی یقینی ہے۔