شہباز شریف نے خصوصی امریکی ایلچی اسٹیو وٹکوف کے کردار کو بھی سراہا اور دو ریاستی حل کو خطے میں پائیدار امن کے لیے ناگزیر قرار دیا۔


وزیراعظم پاکستان شہباز شریف نے غزہ میں جاری جنگ کے خاتمے کے لیے امریکی صدر ڈونلڈ ٹرمپ کے 20 نکاتی امن منصوبے کا خیرمقدم کیا ہے۔ ان کا کہنا تھا کہ فلسطین اور اسرائیل کے مابین پائیدار امن خطے میں سیاسی استحکام اور ترقی کے لیے ناگزیر ہے۔
سماجی رابطے کی ویب سائٹ "ایکس" (سابقہ ٹوئٹر) پر جاری بیان میں وزیراعظم نے کہا کہ وہ صدر ٹرمپ کے اس اقدام کو سراہتے ہیں جس کا مقصد غزہ میں جنگ کا خاتمہ اور خطے میں دیرپا امن کا قیام ہے۔ انہوں نے اس امید کا اظہار کیا کہ امریکی صدر اس اہم معاہدے کو عملی شکل دینے کے لیے ہر ممکن تعاون فراہم کریں گے۔
شہباز شریف نے خصوصی امریکی ایلچی اسٹیو وٹکوف کے کردار کو بھی سراہا اور دو ریاستی حل کو خطے میں پائیدار امن کے لیے ناگزیر قرار دیا۔
امن منصوبے کی تفصیلات
بی بی سی، رائٹرز اور دیگر ذرائع ابلاغ میں شائع ہونے والی رپورٹس کے مطابق صدر ٹرمپ کے پیش کردہ مجوزہ امن منصوبے میں کئی اہم شقیں شامل ہیں:
معاہدہ طے پانے کے 48 گھنٹوں کے اندر تمام یرغمالیوں کی رہائی ، اس کے بعد اسرائیل کی جانب سے سیکڑوں فلسطینی قیدیوں کی رہائی ، جنگ بندی پر آمادہ ہونے والے حماس ارکان کو عام معافی اور محفوظ انخلا ، حماس کے عسکری ڈھانچوں کا مکمل خاتمہ ، اسرائیلی افواج کا بتدریج غزہ سے انخلا ، غزہ کو ایک عبوری حکومت کے ذریعے چلانا فلسطینی اتھارٹی کے لیے مستقبل میں کردار کی گنجائش (بشرطیکہ اصلاحات ہوں)
اس منصوبے کو ٹرمپ انتظامیہ کے سابق موقف سے ایک نمایاں پالیسی تبدیلی سمجھا جا رہا ہے۔ سابق مؤقف کے برعکس، اب فلسطینیوں کو غزہ میں ہی رہنے کی اجازت دی جائے گی اور ان کی ریاستی امنگوں کو تسلیم کیا جائے گا۔
ٹرمپ–نیتن یاہو ملاقات
امریکی صدر ڈونلڈ ٹرمپ اور اسرائیلی وزیراعظم نیتن یاہو کی آج وائٹ ہاؤس میں ملاقات متوقع ہے، جس میں امن منصوبے پر تفصیلی تبادلہ خیال ہوگا۔
وائٹ ہاؤس کی ترجمان کیرولین لیوٹ کے مطابق، اسرائیل اور حماس ایک فریم ورک معاہدے کے بہت قریب پہنچ چکے ہیں۔ "فاکس اینڈ فرینڈز" پروگرام میں بات کرتے ہوئے انہوں نے کہا کہ دونوں فریقین کو کچھ قربانیاں دینی ہوں گی، لیکن یہی امن کی راہ ہے۔

پشاور میں نادرا کا اسسٹنٹ ڈائریکٹر فائرنگ سے جاں بحق
- 13 days ago

راولپنڈی: گھر سے خاتون اینکر ربیعہ احسن کی گولی لگی لاش برآمد
- 11 days ago

ڈی جی آئی ایس پی آر کی لاہور کی جامعات آمد، طلبہ سے خصوصی نشستیں
- 12 days ago
پہلے ایل پی جی اوراب بجلی بم گرا دیا گیا
- 12 days ago

پولیس افسران کی ترقیوں کے خلاف پنجاب حکومت کی اپیلیں خارج
- 12 days ago

پاکستانی فلم ’میرا لیاری‘ نے بیلاروس کے معروف لسٹاپڈ فلم فیسٹیول میں اسپیشل جیوری ایوارڈ جیت لیا
- 12 days ago

وی آئی پی وزٹ کی وجہ سے امتحانات ملتوی کرنے پر ڈی سی جہلم عہدے سے فارغ
- 11 days ago

پیٹرول اور ڈیزل کی قیمتوں میں کمی کا اعلان
- 14 days ago

انڈر 19 ایشیا کپ: پاکستان نے بھارت کو 3 وکٹ سے شکست دے دی
- 11 days ago

پاکستان اور تاجکستان کی مشترکہ فوجی مشق دوستی تھری چراٹ میں اختتام پذیر
- 13 days ago

پی پی 203 چیچہ وطنی کے ضمنی انتخاب میں مسلم لیگ (ن) کا امیدوار بازی لے گیا
- 11 days ago

نئی لالی وڈ فلم ’عاشق رنگ رنگیلے‘ سینما گھروں کی زینت بن گئی
- 12 days ago



