چین اور پاکستان آہنی بھائی ہیں، دونوں ممالک کا مستقبل ایک دوسرے سے جڑا ہوا ہے،صدر مملکت کا انٹرویو
سی پیک کی کامیابی سے پورے خطے میں ترقی اور استحکام آئے گا، توانائی کے شعبے میں چین کے ساتھ شمسی اور ہوا سے بجلی پیدا کرنے کے منصوبے جاری ہیں،صدرزرداری


اسلام آباد: صدر مملکت آصف علی زرداری نے کہا ہے کہ چین اور پاکستان آہنی بھائی ہیں، دونوں ممالک کا مستقبل ایک دوسرے سے جڑا ہوا ہے،چین کا مستقبل تابناک ہے پورا مشرق ساتھ مل کر کام کرے گا۔
تفصیلات کے مطابق چین کے سرکاری ٹی وی سی جی ٹی این کے پروگرام ’’ورلڈ ٹوڈے‘‘ کو دیے گئے خصوصی انٹرویو میں صدرِ مملکت آصف علی زرداری نے کہا کہ چین کے عوام کی بے پناہ محبت انہیں بار بار یہاں لے آتی ہے، دورہ چین کے دوران جس شہر میں بھی گیا، عوام کی محبت اور اپنائیت نے دل جیت لیا۔
انہوں نے بتایا کہ وہ اب تک 16 سے 17 بار چین کا دورہ کرچکے ہیں اور ہر بار انہیں وہی اپنائیت اور خلوص محسوس ہوا، صدر مملکت نے کہا کہ چین آج 14 سال پہلے کے مقابلے میں بالکل بدل چکا ہے اور اس کی ترقی دیکھ کر خوشی ہوتی ہے۔
انٹرویو میں صدر مملکت نے سی پیک کو بیلٹ اینڈ روڈ انیشی ایٹو کا فلیگ شپ منصوبہ قرار دیا جو پورے خطے کی ترقی اور روابط کے فروغ کا ذریعہ بنے گا،صدر زرداری نے کہا کہ چین نے ٹیکنالوجی اور محنت کے ذریعے دنیا میں اپنا مقام بنایا ہے۔ چین کی معیشت مضبوط ہوئی ہے اور عوام زیادہ خوشحال و مطمئن ہیں۔
انٹرویو میں صدر مملکت نے مزید کہا کہ پاکستان اور چین عملی شراکت دار ہیں اور زرعی، توانائی، ریلوے، تعلیم، صحت اور سیاحت سمیت مختلف شعبوں میں دونوں ممالک کے درمیان تعاون تیزی سے بڑھ رہا ہے،انہوں نے اس بات پر زور دیا کہ پاکستان کو زرعی خودکفالت حاصل کرنی ہے تاکہ مستقبل محفوظ بنایا جا سکے۔ پانی کی بچت، جدید آب پاشی، اور قابل تجدید توانائی کے شعبوں میں چین کے تجربات سے فائدہ اٹھایا جا رہا ہے۔
صدر مملکت نے مزید کہا کہ پاکستان اور چین کی دوستی کئی دہائیوں پر محیط ہے، دونوں ممالک کے تعلقات انتہائی گہرے ہیں اور ہم ہر حال میں ایک دوسرے کے ساتھ کھڑے ہیں۔
صدر زرداری نے کہا کہ پاکستان کی بندرگاہیں چین کے لیے قریب ترین ہیں، ان کی ترقی سے نوجوانوں کو روزگار کے مواقع ملیں گے،اسی طرح سی پیک کی ترقی سے پورا خطہ مستفید ہوگا،ان کا کہنا تھا کہ چین کا جدید ٹرین سسٹم قابلِ دید ہے، اور پاکستان بھی ریلوے شعبے میں چین کی ٹیکنالوجی سے استفادہ کرنا چاہتا ہے۔
انہوں نے کہا کہ سی پیک کی کامیابی سے پورے خطے میں ترقی اور استحکام آئے گا، جبکہ توانائی کے شعبے میں چین کے ساتھ شمسی اور ہوا سے بجلی پیدا کرنے کے منصوبے جاری ہیں۔
انٹرویو میں صدر مملکت نے واضح کیا کہ پاکستان نے ہر عالمی فورم پر چین کے مؤقف کی حمایت کی ہے اور آئندہ بھی چین کے ساتھ ہر حال میں کھڑے رہیں گے۔
آصف علی زرداری کا کہنا تھا کہ ترقی ہر ملک کا حق ہے، سب کو ایک دوسرے کی خودمختاری کا احترام کرنا ہوگا، اور ہم پرامن بقائے باہمی پر یقین رکھتے ہیں۔

نئی لالی وڈ فلم ’عاشق رنگ رنگیلے‘ سینما گھروں کی زینت بن گئی
- 12 دن قبل

پاکستان اور تاجکستان کی مشترکہ فوجی مشق دوستی تھری چراٹ میں اختتام پذیر
- 13 دن قبل

ڈی جی آئی ایس پی آر کی لاہور کی جامعات آمد، طلبہ سے خصوصی نشستیں
- 12 دن قبل
پہلے ایل پی جی اوراب بجلی بم گرا دیا گیا
- 12 دن قبل

پولیس افسران کی ترقیوں کے خلاف پنجاب حکومت کی اپیلیں خارج
- 12 دن قبل

انڈر 19 ایشیا کپ: پاکستان نے بھارت کو 3 وکٹ سے شکست دے دی
- 11 دن قبل

راولپنڈی: گھر سے خاتون اینکر ربیعہ احسن کی گولی لگی لاش برآمد
- 11 دن قبل

پی پی 203 چیچہ وطنی کے ضمنی انتخاب میں مسلم لیگ (ن) کا امیدوار بازی لے گیا
- 11 دن قبل

پشاور میں نادرا کا اسسٹنٹ ڈائریکٹر فائرنگ سے جاں بحق
- 13 دن قبل

پاکستانی فلم ’میرا لیاری‘ نے بیلاروس کے معروف لسٹاپڈ فلم فیسٹیول میں اسپیشل جیوری ایوارڈ جیت لیا
- 12 دن قبل

پیٹرول اور ڈیزل کی قیمتوں میں کمی کا اعلان
- 14 دن قبل

وی آئی پی وزٹ کی وجہ سے امتحانات ملتوی کرنے پر ڈی سی جہلم عہدے سے فارغ
- 11 دن قبل



