مسلسل اضافے کے بعد سونا ہزاروں روپے سستا،فی تولہ کتنے کا ہو گیا؟

کراچی:عالمی و مقامی مارکیٹوں میں سونے کی قیمت میں مسلسل اضافے کے بعد آج نمایاں کمی ریکارڈ کی گئی۔

آل پاکستان جیمز اینڈ جیولرز ایسوسی ایشن کے مطابق کاروباری ہفتے کے چوتھے روز مقامی مارکیٹوں میں سونا 2500 روپے سستا ہو ا ہے جس کے بعد سو نے کی نئی قیمت 4 لاکھ 7 ہزار 778 روپے ہو گئی ہے۔

ایسوسی ایشن  کے مطابق اسی طرح10 گرام سونے کی قیمت میںبھی 2144 روپے کی کمی ہوئی ہے جس کے بعد قیمت 3 لاکھ 49 ہزار 603 روپے کی سطح پر پہنچ گئی۔

دوسری جانب عالمی بلین مارکیٹ میں سونے کے نرخ میں 25 ڈالر کی کمی ہوئی ہے، جس کے بعد فی اونس قیمت 3865 ڈالر ہو گئی ہے۔

خیال رہےکہ گزشتہ روز مقامی مارکیٹوں میں سونے کی قیمت میں3500روپے کا اضافہ ریکارڈ کیا گیا تھا۔