پاکستان اسٹاک مارکیٹ نئی بلندیوں پر، 100 انڈیکس تاریخ کی بلند ترین سطح پر پہنچ گیا

پاکستان اسٹاک ایکسچینج میں جمعرات کے روز بھی تیزی کا رجحان غالب رہا، اور کے ایس ای 100 انڈیکس 2,849 پوائنٹس کے بڑے اضافے کے ساتھ 168,489 کی ریکارڈ سطح پر پہنچ گیا، جو ملکی تاریخ کی بلند ترین سطح ہے۔

پی ایس ایکس کی ویب سائٹ کے مطابق کاروباری ہفتے کے چوتھے روز مارکیٹ میں مجموعی طور پر 1.72 فیصد اضافہ ریکارڈ کیا گیا۔ گزشتہ روز انڈیکس 165,640 پوائنٹس پر بند ہوا تھا۔

تجزیہ کاروں کا کہنا ہے کہ حالیہ تیزی سرمایہ کاروں کے حکومتی معاشی پالیسیوں پر اعتماد کی علامت ہے، جو مالیاتی استحکام اور کاروباری بہتری کے لیے مثبت اشارہ ہے۔

ایسوسی ایٹڈ پریس آف پاکستان (اے پی پی) کے مطابق، گزشتہ روز بھی مارکیٹ کے آغاز پر تیزی دیکھی گئی، اور دوپہر تک انڈیکس 166,889 پوائنٹس کی سطح عبور کر چکا تھا۔ مارکیٹ میں 1,013 ملین سے زائد شیئرز کا کاروبار ہوا، جن کی مجموعی مالیت 40.29 ارب روپے رہی۔

سب سے زیادہ شیئرز کی خرید و فروخت بینک آف پنجاب، ورلڈ کال ٹیلی کام اور حیسکول میں دیکھی گئی۔

دیگر انڈیکسز میں بھی مثبت رجحان رہا کے ای 30 انڈیکس 400.53 پوائنٹس بڑھ کر 51,437.19 پوائنٹس پر بند ہواکے ایم آئی 30 انڈیکس 677.65 پوائنٹس کے اضافے کے بعد 247,225.06 پوائنٹس کی سطح تک پہنچا