ماسکو فارمیٹ مشاورتی اجلاس: افغانستان کو آزاد، پُرامن ملک بنانے کے عزم کا اعادہ، اعلامیہ جاری
دہشت گردی افغانستان، خطے اور دنیا کے امن و استحکام کے لیے سنگین خطرہ ہے، اور اس کے تدارک کے لیے علاقائی فریم ورکس کو مؤثر بنایا جانا چاہیے،اعلامیہ


ماسکو:روس کے دارالحکومت ماسکو میں افغانستان سے متعلق “ماسکو فارمیٹ مشاورتی اجلاس” کا ساتواں اجلاس منعقد ہوا جس میں افغانستان بھارت، ایران، قازقستان، چین، کرغزستان، پاکستان، روس، تاجکستان اور ازبکستان کے خصوصی نمائندوں اور اعلیٰ حکام نے شرکت کی، جبکہ بیلا روس کے نمائندے بطور مہمان شریک ہوئے۔
تفصیلات کے مطابق یہ پہلا موقع تھا کہ افغانستان کے وزیرِ خارجہ امیر خان متقی کی سربراہی میں افغان وفد نے اجلاس میں بطور رکن شرکت کی۔
اجلاس کے بعد جاری کردہ مشترکہ اعلامیے میں شریک ممالک نے ایک مرتبہ پھر افغانستان کو ایک آزاد، متحد اور پُرامن ملک کے طور پر قائم کرنے کے عزم کا اعادہ کیا۔
اعلامیے میں افغانستان اور خطے کے ممالک کے درمیان تجارتی و اقتصادی تعلقات کے فروغ، سرمایہ کاری کے تعاون، اور صحت، غربت میں کمی، زراعت اور قدرتی آفات سے بچاؤ جیسے شعبوں میں شراکت کے فروغ پر زور دیا گیا۔
اجلاس کےشرکاء نے کہا کہ افغانستان کی علاقائی روابط کے نظام میں شمولیت ناگزیر ہے تاکہ وہ خود انحصاری اور پائیدار ترقی کے راستے پر گامزن ہو سکے۔
اجلاس میں تمام فریقین نے افغان عوام کو انسانی بنیادوں پر امداد فراہم کرنے کے عزم کا اعادہ کیا اور عالمی برادری سے اپیل کی کہ وہ انسانی امداد کی فراہمی میں سیاسی مقاصد کو شامل نہ کرے،جبکہ دہشت گردی کے خلاف دوطرفہ اور کثیرالجہتی تعاون کو مضبوط بنانے پر اتفاق کیا گیا۔
شرکاء نے اس بات پر زور دیا کہ افغانستان کو بھرپور اقدامات اٹھانے کی ضرورت ہے تاکہ دہشت گردی کا خاتمہ کیا جا سکے اور افغان سرزمین کو کسی بھی ہمسایہ ملک یا عالمی امن کے لیے خطرہ بننے سے روکا جا سکے۔
بیان میں مزید کہا گیا کہ دہشت گردی افغانستان، خطے اور دنیا کے امن و استحکام کے لیے سنگین خطرہ ہے، اور اس کے تدارک کے لیے علاقائی فریم ورکس کو مؤثر بنایا جانا چاہیے۔
شرکاء نے ان ممالک پر زور دیا جو افغانستان کی موجودہ صورتحال کے ذمہ دار ہیں کہ وہ افغان معیشت کی بحالی اور مستقبل کی ترقی کے لیے اپنے وعدے پورے کریں۔
اعلامیے میں یہ موقف بھی دہرایا گیا کہ افغانستان یا اس کے پڑوسی ممالک میں کسی بیرونی فوجی ڈھانچے یا تنصیبات کا قیام ناقابلِ قبول ہے کیونکہ اس سے خطے کے امن و استحکام کو نقصان پہنچے گا۔

پشاور میں نادرا کا اسسٹنٹ ڈائریکٹر فائرنگ سے جاں بحق
- 11 دن قبل

وی آئی پی وزٹ کی وجہ سے امتحانات ملتوی کرنے پر ڈی سی جہلم عہدے سے فارغ
- 9 دن قبل

پاکستانی فلم ’میرا لیاری‘ نے بیلاروس کے معروف لسٹاپڈ فلم فیسٹیول میں اسپیشل جیوری ایوارڈ جیت لیا
- 10 دن قبل

پاکستان اور تاجکستان کی مشترکہ فوجی مشق دوستی تھری چراٹ میں اختتام پذیر
- 11 دن قبل

پی پی 203 چیچہ وطنی کے ضمنی انتخاب میں مسلم لیگ (ن) کا امیدوار بازی لے گیا
- 9 دن قبل

ڈی جی آئی ایس پی آر کی لاہور کی جامعات آمد، طلبہ سے خصوصی نشستیں
- 10 دن قبل

پیٹرول اور ڈیزل کی قیمتوں میں کمی کا اعلان
- 12 دن قبل

انڈر 19 ایشیا کپ: پاکستان نے بھارت کو 3 وکٹ سے شکست دے دی
- 9 دن قبل
پہلے ایل پی جی اوراب بجلی بم گرا دیا گیا
- 10 دن قبل

نئی لالی وڈ فلم ’عاشق رنگ رنگیلے‘ سینما گھروں کی زینت بن گئی
- 10 دن قبل

راولپنڈی: گھر سے خاتون اینکر ربیعہ احسن کی گولی لگی لاش برآمد
- 9 دن قبل

پولیس افسران کی ترقیوں کے خلاف پنجاب حکومت کی اپیلیں خارج
- 10 دن قبل



