Advertisement
پاکستان

یوکرین بحران: پیوٹن نے امریکی صدر کی کوششوں کی تعریف کر دی

صدر پیوٹن نے موجودہ امریکی صدر (واضح طور پر ان کا اشارہ ڈونلڈ ٹرمپ کی طرف تھا) کی بین الاقوامی تنازعات کو حل کرنے کی کوششوں کو سراہا اور انہیں "مخلصانہ" قرار دیا

GNN Web Desk
شائع شدہ ایک سال قبل پر اکتوبر 11 2025، 8:14 شام
ویب ڈیسک کے ذریعے
یوکرین بحران: پیوٹن نے امریکی صدر کی کوششوں کی تعریف کر دی

ماسکو: روسی صدر ولادیمیر پیوٹن نے نوبل امن انعام کمیٹی پر سخت تنقید کرتے ہوئے کہا ہے کہ اس باوقار انعام کی ساکھ اس وقت متاثر ہوئی جب ماضی میں ایسے افراد کو ایوارڈ دیا گیا جنہوں نے امن کے لیے کوئی نمایاں کردار ادا نہیں کیا۔

اپنے ایک ویڈیو پیغام میں صدر پیوٹن نے نوبل انعام کی تقسیم پر سوال اٹھاتے ہوئے کہا کہ اگرچہ یہ فیصلہ کرنا ان کی ذمہ داری نہیں کہ انعام کس کو ملنا چاہیے، تاہم تاریخ میں ایسے کئی واقعات ہوئے ہیں جہاں امن انعام ایسے افراد کو دیا گیا جن کا امن کے قیام سے کوئی حقیقی تعلق نہیں تھا۔

انہوں نے مزید کہا کہ ایسے فیصلوں نے نوبل امن انعام کی وقعت اور اعتبار کو مجروح کیا ہے۔ ان کا کہنا تھا کہ "کسی کو انعام دے دیا گیا، صرف ایک یا دو ماہ کے بعد، آخر کس بنیاد پر؟ اس نے عملاً کوئی کام نہیں کیا تھا۔"

صدر پیوٹن نے موجودہ امریکی صدر (واضح طور پر ان کا اشارہ ڈونلڈ ٹرمپ کی طرف تھا) کی بین الاقوامی تنازعات کو حل کرنے کی کوششوں کو سراہا اور انہیں "مخلصانہ" قرار دیا۔

انہوں نے یوکرین بحران کا حوالہ دیتے ہوئے کہا کہ امریکی صدر واقعی سنجیدگی سے اس پیچیدہ مسئلے کے پرامن حل کے لیے کوشاں ہیں۔

پیوٹن نے کہا، "کچھ معاملات میں انہیں کامیابی ملی ہے، کچھ میں نہیں، لیکن یہ تسلیم کرنا چاہیے کہ وہ بین الاقوامی سطح پر امن کے قیام اور مسائل کے حل کے لیے سرگرم ہیں۔"

امریکی صدر کو نوبل انعام نہ دیے جانے کے حوالے سے پیوٹن نے محتاط مؤقف اختیار کرتے ہوئے کہا کہ وہ یہ فیصلہ نہیں کر سکتے کہ وہ اس کے مستحق ہیں یا نہیں، لیکن ان کی کوششوں کو نظر انداز نہیں کیا جا سکتا۔

Advertisement
رجحانات
Advertisement