8 جنگیں رکواچکا ہوں، پاک افغان جنگ ختم کروانا میرے لیے بہت آسان ہے،ڈونلڈ ٹرمپ کا دعویٰ

واشنگٹن ڈی سی : امریکی صدر ڈونلڈ ٹرمپ نے کہا ہے کہ  میں 8 جنگیں رکوا چکا ہوں ، جبکہ پاک افغان جنگ ختم کروانا میرے لیے بہت ہی آسان ہے۔

غیر ملکی میڈیا رپورٹس کے مطابق صدر ٹرمپ نے اوول آفس میں صحافیوں سے گفتگو کرتے ہوئے کہا کہ اپنے دورِ صدارت میں انہوں 8نے بڑی جنگیں رکوائیں، جن میں پاک بھارت جنگ بھی شامل تھی۔ ان کے بقول انہوں نے دنیا کے کئی حصوں میں امن کے لیے اہم کردار ادا کیا۔

میڈیا سے گفتگو کرتے ہوئے ٹرمپ نے مزید کہا کہ پاکستان کے وزیراعظم شہباز شریف نے ان سے کہا تھا کہ انہوں نے پاک بھارت جنگ روک کر لاکھوں جانیں بچائیں، اور اس اقدام پر پاکستانی عوام شکر گزار ہیں۔

ٹرمپ کا کہناتھا کہ پاکستان اور افغانستان میں جنگ بندی کرانا پڑی تو میرے لئے بہت آسان ہے، پاکستان اور افغانستان کے درمیان جھڑپیں ہو رہی ہیں، نوبل انعام کیلئے نہیں زندگیاں بچانے کیلئے جنگیں رکوا رہا ہوں۔

ڈونلڈ ٹرمپ کا مزید کہنا تھا کہ میں نے 8 جنگیں رکوائیں، کوئی دوسرا امریکی صدر ایک بھی جنگ نہیں رکوا سکا۔