نیشنل ورکشاپ بلوچستان: وزیراعلیٰ خیبرپختونخوا نے شرکا سے ملاقات سے انکار

خیبرپختونخوا کے وزیراعلیٰ سہیل آفریدی نے پشاور میں جاری 17ویں نیشنل ورکشاپ بلوچستان کے شرکا سے ملاقات سے انکار کر دیا، جس پر بلوچستان سے آئے وفد میں شدید مایوسی پائی گئی۔

شرکا کے مطابق نہ صرف وزیراعلیٰ ملاقات کے لیے موجود نہیں تھے بلکہ پاکستان تحریک انصاف (پی ٹی آئی) کے کسی رکنِ قومی یا صوبائی اسمبلی نے بھی شرکا سے رابطہ نہیں کیا۔
مزید برآں، شرکا کو ضیافت کی بجائے کھانا پیکٹس کی شکل میں دیا گیا، جسے بلوچستان کے مہمانوں نے ناروا سلوک قرار دیا۔

بلوچستان کے سینیئر وزیر سردار عبدالرحمان کھیتران نے میڈیا سے گفتگو کرتے ہوئے کہا کہ "نیشنل ورکشاپ کے مہمانوں سے ملاقات نہ کرنا پشتون، بلوچ اور اسلامی روایات کے منافی ہے۔"

انہوں نے کہا "ہم وزیراعلیٰ خیبرپختونخوا کو دعوت دیتے ہیں کہ وہ بلوچستان آئیں، ہم انہیں روایات کے مطابق عزت دیں گے، دسترخوان سجائیں گے، نہ کہ پیکٹ تھمائیں گے۔"

سردار کھیتران نے آرمی چیف کی میزبانی کی مثال دیتے ہوئے کہا کہ انہوں نے مصروفیات کے باوجود نیشنل ورکشاپ کے شرکا کے لیے پانچ گھنٹے نکالے، جبکہ وزیراعلیٰ خیبرپختونخوا نے ملنے کی زحمت بھی نہیں کی۔

انہوں نے بطور احتجاج کہا "ہم آپ کے دیے گئے پیکٹ کھانے سے انکار کرتے ہیں۔