شدید بارشوں کا خدشہ، محکمہ موسمیات نے الرٹ جاری کردیا

جی این این کے مطابق محکمہ موسمیات نے کہا ہے کہ دریاؤں کے کیچمنٹ ایریاز پر شدید بارشوں  کا امکان ہے ، جبکہ ملک کے شمالی علاقوں اور مقبوضہ کشمیر میں شدید بارشیں متوقع ہیں ۔ محکمہ موسمیات کے  جاری الرٹ کے مطابق  دریائے چناب ،سندھ اور راوی میں طغیانی   کا خدشہ ہے ، دریائے جہلم میں اونچے درجے کا سیلاب آسکتا ہے جبکہ دریائے چناب میں مرالہ ، خانکی اور قادر آباد میں درمیانے درجے کا سیلاب کا امکان ہے۔الرٹ میں کہا گیا ہے کہ دریائے راوی میں بھی پانی کی سطح غیر معمولی ہوسکتی ہے ،  دریائے چناب میں گرنے والے نالوں میں بھی طغیانی کا خدشہ ہے جبکہ دریائے سندھ میں تربیلا کے مقام پر سیلابی کیفیت پیدا ہوسکتی ہے۔

نیشنل ڈیزاسٹر مینجمنٹ اتھارٹی (این ڈی ایم اے)  نے آج سے 30 جولائی تک شمالی اور وسطی پنجاب اور ڈی جی خان میں بارش کا امکان ہے۔تیز بارش کی وجہ سے بڑے شہروں میں اربن فلڈنگ کا خطرہ ہے۔جن شہروں میں اربن فلڈنگ کے خدشے کا اظہار کیا گیا ہے ان میں لاہور، روالپنڈی، گوجرانوالہ، فیصل آباد اور پشاور شامل ہیں۔