کینیڈین حکومت کا پاکستان کو 162 موبائل وینٹیلیٹرز کا تحفہ

تفصیلات کے مطابق نیشنل ڈیزاسٹر  مینجمنٹ اتھارٹی  (این ڈی ایم اے) کے زیر اہتمام خصوصی تقریب ہوئی ،   تقریب میں چئیرمین این ڈی ایم اے، لیفٹیننٹ جنرل اختر نواز، کینیڈا کی ہائی کمشنر اور معاون خصوصی صحت ڈاکٹر فیصل سلطان و دیگر نے  شرکت کی۔

کینڈین ہائی کمیشنر نےوینٹیلیرز این ڈی ایم اے حکام کے حوالے کیے۔چئیرمین این ڈی ایم اے نے حکومت پاکستان اور پاکستانی عوام کی طرف سے کینیڈین حکومت اور کینیڈین عوام کا شکریہ اداکیا ۔

چیئرمین این ڈی ایم اے نے اس موقع پر کہا کہ  کورونا ایک عالمی وبا ہے اور بین الاقوامی سطح پرہم سب کو ملکر اس سے نمٹنا ہو گا، کرونا سے اس وقت تک کوئی بھی محفوظ نہیں جب تک سب محفوظ نہیں۔

کینیڈین ہائی کمیشنر کا کہنا تھا کہ   ہمیں فخر ہے کہ ہم پاکستان کے طبی شعبے کو مستحکم کرنے کے اس سفر میں شریک ہیں۔