آزادکشمیر الیکشن میں کھلے عام دھاندلی ہوئی : بلاول بھٹو

تفصیلات کے مطابق چیرمین پیپلز پارٹی بلاول بھٹو کا میڈیا سے گفتگو کرتے ہوئے کہنا تھا کہ حکومت کو کشمیر میں ٹف ٹائم دیں گے ، پیپلزپارٹی ہی مسائل کا حل نکال سکتی ہے ۔

انہوں نے کہا ہے کہ ہمیں جنرل الیکشن کیلئے تیاری شروع کرنی چاہیے، مقابلہ کرنے کیلئے  ہمیں آپس کے اختلافات کو سائیڈ پر رکھنا ہوگا، ہمیں آپس کے اختلافات کو 6سے 8ماہ کے لیے بھولنے ہونگے ۔ کسی بھی وقت جنرل الیکشن ہوسکتے ہیں اور ہمیں تیاری شروع کرنی چاہیے ۔

بلاول بھٹو نے کہا ہے کہ سندھ کو این ایف سی  ایوارڈ میں  اس کا حق نہیں دیا جاتا،کراچی کو بچانا ہے تو تحریک انصاف کو بھگانا ہے۔

چیرمین پیپلز پارٹی کا کہنا تھا کہ سا ل کے آخر تک  کراچی کیلئے نئی بسیں آجائیں گی، کراچی میں پانی کامسئلہ حل  کرنے کی پوری کوشش کریں گے ۔

بلاول بھٹو نے کہا حکومت کی بیروزگاری، غربت اور مہنگائی کی پالیسیوں کی وجہ سے عوام ڈوب رہے ہیں، کراچی میں سب سےبڑا مسئلہ پانی کا ہے، صوبے کے ساتھ نا انصافی ہوئی ہے ۔وزیراعظم نے وعدہ کیا تھا کہ پانی کیلئے منصوبہ لے کر آئیں گے ۔

چیرمین پیپلز پارٹی کا کہنا تھا کہ وزیراعظم نے کراچی  میں  پانی کا کوئی انتظام نہیں کیا ، سندھ کے پا نی  کے حصے میں ابھی تک ایک قطرے کا بھی اضافہ نہیں کیا گیا۔

بلاول بھٹو کا مزید کہنا تھا کہ پیپلزپارٹی نے وفاق اور ایم کیو ایم کا مقابلہ کیا ہے ۔