ملک بھرمیں آج سے پولیو مہم کاآغاز

تفصیلات کے مطابق خیبرپختونخوا کے 18 اضلاع میں 30 جولائی سے پولیو مہم جاری ہے۔پولیو ٹیمیں پانچ سال سے کم عمر کے 33 ملین سے زائد بچوں کو پولیو کے قطرے پلائیں گی تاکہ انھیں وائرس سے بچایا جاسکے۔ تمام صوبوں کے محکمہ صحت نے والدین سے اپیل کی ہے کہ وہ اپنے بچوں کو پولیو وائرس سے بچاؤ کے قطرے پلائیں۔پولیو مہم میں ایک لاکھ 79 ہزار پولیو ورکرز حصہ لے رہے ہیں۔

حالیہ ماہ  میں پولیو ویکسین کے خلاف پھیلائے جانے والے مسلسل پروپیگنڈے  اور افواہوں کی وجہ سے پاکستان میں خصوصا خیبرپختونخوا اور بلوچستان میں پولیو کیسز میں اضافہ ہوا ہے۔پولیو کے خاتمے کی عالمی مہم  1988 میں شروع ہوئی تھی  اور اب یہ بیماری دنیا سے خاتمے کے قریب ہے۔

بدقسمتی سے  پاکستان  اور افغانستان  دنیا کے وہ  دو ممالک  ہیں جہاں پولیو وائرس ابھی  تک ختم نہیں ہوسکا ہے ۔اس سے قبل  25 اگست  کو ورلڈ ہیلتھ آرگنائزیشن (ڈبلیو ایچ او)    افریقہ کو پولیو سے پاک قرار دے چکی  ہے ۔