پاکستان اور ویسٹ انڈیزکے درمیان ٹی ٹوئنٹی میچ بارش کے باعث بغیرنتیجہ ختم

تفصیلات کے مطابق گیاناسٹیڈیم میں کھیلے جانے والے میچ کا ٹاس بھی بارش کے باعث تاخیر کا شکار ہوا، ویسٹ انڈیز نے اپنی اننگز آغاز کیا تو دوسرے اوور کی دوسری ہی گیند کے بعد پھر بارش کا سلسلہ شروع ہوگیا۔

بارش کے باعث 1.2 اوورز کا میچ ہی کھیلا جاسکا ویسٹ  انڈیز نے بغیرنقصان کے 15 رنزبنائے، آندرے فلیچر 14 اورکرس گیل ایک رن بناکر ناٹ آؤٹ رہے ۔

خیال رہے کہ سیریز کا پہلا میچ بھی بارش کے باعث منسوخ کیا گیا تھا۔

یاد رہے کہ 4 ٹی ٹوئنٹی میچز کی سیریز میں پاکستان کو 0-1 سے برتری حاصل ہے، پہلا میچ بارش کے باعث منسوخ ہوا جبکہ دوسرے میں پاکستان نے ویسٹ انڈیز کو شکست دی۔