میڈل کی دوڑ سے دو اور پاکستانی اولمپکس سے آؤٹ

تفصیلات کے مطابق خواتین کی 200 میٹر دوڑ میں نجمہ پروین ہیٹس میں سب سے آخری نمبر7 پر رہیں، نجمہ پروین نے 200 میٹر کا فاصلہ 28 اعشاریہ 12سیکنڈز میں طے کیا اور ذاتی بہترین ٹائم 23.69 سیکنڈ کو بھی بہتر بنانے میں ناکام رہیں۔

دوسری جانب جی ایم بشیر دوسرے روز اپنی کارکردگی کا تسلسل برقرار نا رکھ سکے اور 25 میٹر ریپڈ فائر پسٹل کے ٹاپ 6 میں جگہ برقرار رکھنے میں ناکام رہے۔

پہلے دن 293 اسکور کرنے کے بعد جی ایم بشیر نے دوسرے دن 286 اسکور کیا، دوسرے دن جی ایم بشیر نے پہلی سیریز میں اچھا آغاز کیا لیکن بقیہ دو سیریز میں  اچھی کارکردگی کا سلسلہ برقرار نا رکھ سکے۔

خیال رہے کہ ٹوکیو اولمپکس میں شریک 10 میں سے 9 ایتھلیٹ خالی ہاتھ واپس لوٹ گئے ہیں، پاکستان کے آخری ایتھلیٹ ارشد ندیم 4 اگست کو جویلین تھرو کے لیے ایکشن میں ہوں گے۔