پنجاب حکومت ملیریا کی روک تھام اور عوام کے تحفظ کے لیے مؤثر اقدامات کر رہی ہے، مریم نواز

لاہور: وزیراعلیٰ مریم نواز شریف نےکہا ہے کہ پنجاب حکومت اس مرض کی روک تھام اور عوام کے تحفظ کے لیے مؤثر اقدامات کر رہی ہے۔

تفصیلات کے مطابق انسدادِ ملیریا کے عالمی دن پر اپنے پیغام میںمریم نواز شریف نے کہا کہ پنجاب حکومت اس مرض کی روک تھام اور عوام کے تحفظ کے لیے مؤثر اقدامات کر رہی ہے، جن میں مفت ٹیسٹ کی سہولت بھی شامل ہے۔

جاری کردہ بیان میں انہوں نے کہا کہ ملیریا ایک خطرناک مگر قابلِ علاج مرض ہے، جس کے خاتمے کے لیے اجتماعی کوششوں اور احتیاطی تدابیر پر مکمل عمل درآمد ضروری ہے۔

بیان میں وزیراعلیٰ مریم نواز شریف کا مزید کہنا تھا کہ پنجاب کا ہر فرد اور ہر خاندان حکومت کی اولین ترجیح ہے اور عوام کا تحفظ حکومت کا بنیادی مشن ہے۔

خیال رہے کہ پاکستان سمیت دنیا بھر میں ہر سال  25 مئی کو انسدادِ ملیریا کا عالمی دن منایا جاتا ہے جس میں ملیریا کے خاتمے، اس سے بچاؤ اور اس کے علاج کے حوالے سے مختلف کانفرنسز اور سیمنارز ہوتے ہیں اور دنیا بھر کی حکومتیں اس کے خاتمے کیلئے موثر اقدامات پر زور دیتی ہیں۔