Advertisement
پاکستان

بھارتی ایئرایمبولینس کو اسلام آباد ایئرپورٹ پر لینڈنگ کی اجازت مل گئی

اسلام آباد: بھارتی ایئرایمبولینس کو فیول بھروانے کیلئے اسلام آباد ایئرپورٹ پر لینڈنگ کی اجازت دی گئی۔ایمبولینس میں برطانوی مریض کو بھارتی شہر کولکتہ سے تاجکستان کے شہر دوشنبےلے کر جا یا جا رہا تھا۔

GNN Web Desk
شائع شدہ 6 سال قبل پر فروری 16 2021، 1:34 صبح
ویب ڈیسک کے ذریعے

ذرائع کے مطابق کلکتہ سے دوشنبے جانی والی ایئر ایمبولینس کی اسلام آباد ائیر پورٹ پر ایمرجنسی لینڈنگ کروائی گئی۔ اس سے قبل بھارتی ایئر ایمبولینس کا سول ایوی ایشن سے ایمرجنسی لینڈنگ کیلئے رابطہ کیا تھا۔ ذرائع کا کہنا ہے کہ سول ایوی ایشن نے بھارتی ائیر ایمبولینس کو ائیرپورٹ پر اترنے کی اجازت دے دی۔ جہاز میں ایندھن کی کمی کے سبب ایمرجنسی لینڈنگ کرائی گئی۔ بھارتی ائیر ایمبولینس میں برطانوی مریض ڈاکڑ اور دو نرسیں سوار تھے۔ سول ایوی ایشن حکام نے معاملے سے برطانوی ہائی کمیشن کو بھی تفصیلات سے آگاہ کر دیا۔

واضح رہے کہ اس سے قبل گزشتہ سال 17 نومبر کو سعودی عرب کے شہر ریاض سے بھارتی دارالحکومت نئی دہلی جانے والی بھارتی نجی ائیرلائن کی پرواز میں مسافر کو دل کا دورہ پڑنے پر طیارے کو کراچی کے جناح انٹرنیشنل ائیر پورٹ پر ایمرجنسی لینڈنگ کی اجازت دی گئی تھی ۔ تفصیلات کے مطابق بھارتی شہر بریلی سے تعلق رکھنے والے نوشاد کو اس وقت دل کا دورہ پڑا جب جہاز کراچی کی فضائی حدود میں موجود تھا۔پائلٹ نے فوری طور پر کراچی ائرپورٹ سے رابطہ کیا اور میڈیکل ایمرجنسی کی وجہ سے جہاز کو اتارنے کی اجازت طلب کی۔ سول ایوی ایشن کے حکام نےجہاز کو کراچی ائرپورٹ پر اترنے کی اجازت دے دی اور فوری طور پر ڈاکٹر کو جہاز کے اندر بھیج دیا گیاجہاں ڈاکٹر نے مسافر کا معائنہ کرنے کے بعد اس کی موت کی تصدیق کردی۔ سول ایوی ایشن کے حکام نے فوری طور پر دفتر خارجہ کے حکام سے رابطہ کیا اور انہیں تمام تفصیلات سے آگاہ کیا۔

 

Advertisement
رجحانات
Advertisement