سابق وزیرِ اعلیٰ سندھ قائم علی شاہ کورونا وائرس کا شکار

تفصیلات کے مطابق رکن قومی اسمبلی اور سابق وزیر اعلیٰ کی صاحبزادی نفیسہ شاہ نے تصدیق کرتے ہوئے کہا کہ کچھ روز قبل قائم علی شاہ میں کورونا وائرس کی تشخیص ہوئی تھی۔

انہوں نے کہا کہ قائم علی شاہ نےخود کو گھر پر قرنطینہ کر لیا ہے اور معالجین کی ٹیم گھر پر قائم علی شاہ کی نگہداشت کر رہی ہے۔

سابق وزیر اعلیٰ سندھ قائم علی شاہ کے خلاف آج عدالت میں کیس کی سماعت ہونا تھی لیکن دوران سماعت عدالت کو بتایا گیا کہ سابق وزیر اعلیٰ سندھ قائم علی شاہ کورونا وائرس میں مبتلا ہو گئے ہیں۔

قائم علی شاہ کی میڈیکل رپورٹ عدالت میں پیش کی گئی اور وکیل نے بتایا کہ قائم علی شاہ بیمار ہیں عدالت میں پیش نہیں ہوسکتے۔