انجینئر اعزاز احمد نے بطور منیجنگ ڈائریکٹر این ٹی ڈی سی چارج سنبھال لیا

این ٹی ڈی سی کے ترجمان نے بتایا کہ انجینئر اعزاز احمد نے یونیورسٹی آف انجینئرنگ اینڈ ٹیکنالوجی لاہور سے انجینئرنگ میں بیچلرز کی ڈگری حاصل کی، انسٹی ٹیوٹ آف بزنس ایڈمنسٹریشن (آئی بی اے) یونیورسٹی آف پنجاب سے ایم بی اے اور اس کے ساتھ ساتھ انہوں نے سرٹیفائیڈ پراجیکٹ مینجمنٹ پروفیشنل اور دیگر تربیتی کورسز کینیڈا اور سعودی عرب کے معروف اداروں سے کیے۔ وہ این ٹی ڈی سی میں بھی خدمات انجام دے چکے ہیں اور این ٹی ڈی سی سسٹم سے اچھی طرح آگاہ ہیں۔

ترجمان نے بتایا کہ سبکدوش ہونے والے منیجنگ ڈائریکٹر این ٹی ڈی سی انجینئر محمد ایوب ڈپٹی منیجنگ ڈائریکٹر (پلاننگ اینڈ انجینئرنگ) این ٹی ڈی سی کی حیثیت سے اپنے فرائض سرانجام دیتے رہیں گے۔