اپنی قوم کا سر فخر سے بلند کروں گا : ارشد ندیم

تفصیلات کے مطابق ٹوکیو اولمپکس میں ارشد ندیم نے جیولین تھرو کے کوالیفائنگ راؤنڈ میں بہترین کھیل کا مظاہر پیش کرتے ہوئے ایونٹ کے فائنل کے لیے کوالیفائی کر لیا ہے اور پاکستان کی تاریخ میں یہ اعزاز حاصل کرنے والے وہ پہلے کھلاڑی بن گئے ہیں ، اب ان کا فائنل مقابلہ 7 اگست کو ہو گا۔

ارشد ندیم کا کہنا ہے کہ بھرپور سپورٹ کرنے پر پاکستانی قوم کا شکریہ ادا کرتا ہوں اور میں خوش نصیب ہوں کہ پوری پاکستانی قوم نے میرے لیے دعا کی ہے، میں اپنے کوچ کا بھی شکریہ ادا کرتا ہوں ۔

انہوں نے مزید کہا ہے کہ میں فائنل کے لیے کوالیفائی کرنے پر بہت خوش ہوں اور ایتھلیٹکس میں پاکستان کی تاریخ میں پہلی بار ہوا ہے، تو میں پرامید ہوں اور میں خوش نصیب ہوں کہ پوری قوم کی میرے لیے دعائیں ہیں، فائنل میں اچھا پرفارم کر کے اپنی قوم کا سر فخر سے بلند کروں گا۔