پنجاب حکومت کامحفوظ خوراک، باعزت روزگار کی فراہمی کیلئے ایک اوراہم اقدام

تفصیلات کے مطابق وزیراعلیٰ پنجاب سردار عثمان بزدارکی خصوصی ہدایت پر ماڈل فوڈ اسٹالزکی مفت فراہمی کے پروگرام کا آج سے آغاز ہوگا جس میں عثمان بزدار ماڈل فوڈ اسٹالزکی غریب اوردیہاڑی دار طبقے کومفت فراہم کرنے کے پروگرام کا افتتاح کریں گے۔وزیراعلیٰ پنجاب سردار  عثمان بزداربہترین کارکردگی کا مظاہرہ کرنے والے پنجاب فوڈ اتھارٹی کے ملازمین میں تعریفی سر ٹیفکیٹ بھی تقسیم کریں گے ۔ 

 علاوہ  ازیں پنجاب فوڈ اتھارٹی کے ڈائریکٹر جنرل رفاقت علی  عثمان بزدار کو ادارے کی کارکردگی کے بارے میں بھی بریفنگ دیں گے۔ سینئر وزیر عبدالعلیم خان، صوبائی وزراء میاں محمود الرشید، ڈاکٹر یاسمین راشد، میاں اسلم اقبال، مراد راس، پرنسپل سیکرٹر ی ، سیکرٹری خوراک اورمتعلقہ حکام بھی تقریب میں شرکت کرینگے۔