مظفر گڑھ میں فائرنگ سے سابق رکن قومی اسمبلی جمشید دستی کا بھائی قتل

پولیس کا کہنا ہے کہ فائرنگ کا واقعہ مظفر گڑھ میں تھرمل بائی پاس کے قریب پیش آیا، جبکہ جمشید دستی کے بھائی کے قتل کے الزام میں ایک شخص کو گرفتار کرلیا گیا۔

پولیس ترجمان کے مطابق مشتاق دستی کی لاش اسپتال منتقل کردی گئی، واقعے کا مقدمہ درج کیا جارہا ہے۔

پولیس کے مطابق مشتاق دستی زمین کے تنازع پر پنچائت کے لئے گئے تھے جہاں انہیں فائرنگ کرکے قتل کیا گیا۔

دوسری جانب انسپکٹر جنرل (آئی جی) پولیس پنجاب نے آر پی او ڈی جی خان سے  قتل کے واقعے کی رپورٹ طلب کرلی ہے۔

آئی جی نے ملزمان کو جلد گرفتار کرکے سخت قانونی کارروائی کا حکم دیا ہے۔