وزیراعظم آج لاہور کا دورہ کریں گے

تفصیلات کے مطابق وزیراعظم عمران خان  دورہ لاہور میں مختلف اجلاسوں کی صدارت سمیت وزیر اعلیٰ اور گورنر پنجاب سے الگ الگ ملاقات بھی  کریں گے۔ذرائع کے مطابق وزیراعظم  پنجاب کابینہ کے ارکان سے بھی ملاقات کریں گے جبکہ ترین گروپ کے معاملات  بھی   ملاقاتوں میں زیرغور آئیں گے ۔

وزیراعظم عمران خان آج  لاہور میں دنیا کے سب سے بڑے میاواکی شہری جنگل کا  بھی افتتاح کریں گے جو دس ارب درختوں کی سونامی مہم کے تحت مون سون کی شجرکاری مہم کا حصہ ہے۔یہ جنگل سو کنال سے زیادہ اراضی پر قائم کیا گیا ہے اور اس میں ایک لاکھ پینسٹھ ہزار پودے ہیں۔ مخصوص میاوا کی تکنیک کے باعث یہ جنگ دس گنا تیزی سے بڑھتا ہے۔اس کیلئے زمین خصوصی طور پر تیار کی جاتی ہے اور بڑھوتری کی مختلف شرح والے درختوں کی مقامی اقسام کے باعث شہری جنگل تیزی سے نمو پاتے ہیں۔

لاہور کے مختلف علاقوں میں مزید ترپن میاوا کی جنگلات مکمل ہو چکے ہیں جن کا مقصد شہر میں کاربن اور آلودگی کے خاتے میں مدد کرنا ہے۔ان پودوں کی بڑھوتری کی نگرانی کیلئے ان سب پر نشانات لگائے گئے ہیں۔وزیراعظم عمران خان لاہور کی فضا کو صاف کرنے کیلئے اس میں درخت اگانے اور اسے ماضی کی طرح باغات کا شہر بنانا چاہتے ہیں۔رواں مون سون شجر کاری مہم کے دوران ملک بھر میں پچاس کروڑ درخت لگائے جا رہے ہیں جو پاکستان میں اپنی نوعیت کی سب سے بڑی مہم ہے۔