دوبئی جانیوالے مسافروں کیلئے اچھی خبر

جی این این کے مطابق  دوبئی جانیوالے مسافروں کوسیالکوٹ ائیرپورٹ انتظامیہ   کی جانب سے بڑی سہولت دے دی گئی ۔ ائیر پورٹ انتظامیہ  کے مطابق  نجی لیبارٹری لیب کی جانب سے سیالکوٹ ائیرپورٹ پر ریپیڈ پی سی آر کاونٹر قائم کردیا گیا ۔ سیالکوٹ ائیرپورٹ ریپیڈ پی سی آر ٹیسٹ کی سہولت والا پہلا پاکستانی ائیرپورٹ ہے ۔ ائیر لائن کی جانب سے مسافروں کو پرواز سے  5 گھنٹے قبل ائیرپورٹ آنے کی ہدایت  کی گئی ہے ۔ ائیر پورٹ مینجر نثار احمد کاکہنا ہےکہ رہائشی ویزہ ، کرونا ویکسین سرٹیفیکیٹ اور کیو آر کوڈ کے حامل پاکستانی سیالکوٹ سے دبئی کا سفر کرسکیں گے ۔ ائیرپورٹ پر یہ سہولت آج سے میسر ہوگی ۔

ریپیڈ پی سی آر ٹیسٹ کی سہولت کے بعد فلائی دبئی، ائیر عربیہ  کی دبئی اور شارجہ  کے لیے مسافروں کی بکنگ کرلی گئی جبکہ آج فلائی دبئی اور 11 اگست کو ایمریٹس سیالکوٹ سے مسافروں کو دبئی لے کر  روانہ ہونگی ۔دبئی کے لیے لازمی ریپیڈ پی سی آر ٹیسٹ کی فیس 6ہزار پانچ سو روپے مقرر کی گئی ہے ۔

خیال رہے کہ پاکستان سے دبئی جانے والے مسافروں کو سفر کرنے سے روک دیا گیاتھا۔ دوبئی حکومت کی جانب سے پاکستان سے دوبئی جانے والے مسافروں کے لیے ریپڈ انٹیجنٹ ٹیسٹ لازم قرار دے دیا گیا ہے ۔