کاشتکار طبقہ ملک کا سب سے قیمتی اثاثہ ہے،وزیراعظم

وزیراعظم عمران خان نےبہاولپورمیں کسان کنونشن سے خطاب کرتے ہوئے کہا کہ  ملک میں 83 لاکھ کسان ہیں ،کسان ہمارے ملک کااثاثہ ہیں،  ملک کی اصل جان اس کے کسان ہیں، کسانوں کو تحفظ دیاجائےتوملک ترقی کی راہ پرگامزن ہوجائےگا۔

وزیراعظم نے کہا کہ   ہمارا وژن ہے کہ کسانوں کی آمدن دگنی کریں،  کسان کوپیداوارکافائدہ نہیں ملتا،مقررہ قیمتوں سے کم پیسے ملتے تھے۔ پاکستان کی آبادی 4کروڑ سے 22کروڑ پر چلی گئی ہے، جس ملک کےپاس 12 موسم ہوں وہ ہرچیز اگا سکتاہے۔

وزیر اعظم نے کسانوں سے خطاب کرتے ہوئے کہا کہ ہم نے اس ملک سے غربت کاخاتمہ کرنا ہے، ملک ترقی اس وقت کرتا ہےجب غریب طبقے کو اوپر اٹھایا جائے،انسانیت کا تقاضا ہے جو لوگ پیچھے رہ گئے ہیں ان کواوپر اٹھایاجائے۔

وزیر اعظم عمران خان کا کہنا تھا کہ  پہلے ڈیڑھ دو سال ملک کومستحکم کیا،ہم ملک کواور اوپر لیکر جارہے ہیں، کھانے پینے کااناج اس سال سب سے زیادہ امپورٹ کیا، ڈالرکی کمی آتی ہے تو آئی ایم ایف کے پاس جانا پڑتا ہے، اب کسانوں کو کارڈ کے ذریعے سبسڈی دی جائےگی، امیر ممالک میں بھی یونیورسل ہیلتھ انشورنس کی سہولت نہیں ہے۔کوئی بھی خاندان صحت کارڈ کے ذریعے 10 لاکھ تک کاعلاج کرواسکتا ہے، اس سال کے آخرتک پنجاب کے سارے خاندانوں کے پاس بھی صحت کارڈہوگا۔