پاکستان افغان امن و استحکام کے لیے کاوشیں جاری رکھے گا، آرمی چیف

پاک فوج کے شعبہ تعلقات عامہ (آئی ایس پی آر)  کے مطابق آرمی چیف جنرل قمر جاوید باجوہ کی زیرصدارت کورکمانڈرزکانفرنس ہوئی۔

آئی ایس پی آر کے مطابق شرکا نے عالمی علاقائی اورملکی صورتحال کا جائزہ لیا۔پاک افغان انٹرنیشنل بارڈر پرسیکیورٹی صورتحال پربریفنگ دی گئی۔ جنرل قمر جاوید باجوہ نے سرحد کنٹرول کے حوالے سے اقدامات پر اطمینان کا اظہار کیا۔

آرمی چیف نے کہا کہ افغانستان میں امن کیلئے خلوص سے کوشش کی اور کرتے رہیں گے۔خطے میں استحکام کیلئےافغان امن عمل میں  تمام اسٹیک ہولڈرز کو مثبت کردار اداکرنا ہوگا۔ افغانستان میں دیرپا امن خطے کا استحکام ثابت ہوگا، غلط فہمیاں پھیلانے، قربانی کا بکرا تلاش کرنےسے اجتناب برتنا چاہیے ،سازشی عناصر کی تمام سازشوں کو  ناکام بنانا ہوگا۔

آئی ایس پی آر  کا کہنا ہے کہ  اجلاس میں ملک کو درپیش کثیر النوعیت چیلنجز کا جائزہ بھی لیاگیا، جن سےنمٹنےکیلئےقومی حکمت عملی اختیارکرنےکی ضرورت پر زور دیا گیا۔

آرمی چیف نےکرونا سے نمٹنےکےلیے فارمیشنز کے تعاون کوسراہا اور مون سون، انسداد پولیو مہم کے حوالے سے کی جانے والی کاوشوں کا سراہا۔