افغان طالبان 90 دن میں کابل پر قبضہ کرسکتے ہیں، امریکی انٹیلی جنس رپورٹ

 امریکی انٹیلی جنس رپورٹ میں کہا گیا ہے کہ  نیا انٹیلی جنس جائزہ طالبان کی حالیہ پیش قدمی اور اس کی رفتار کو مدنظر رکھ کر تیار کیا گیا،یہ حتمی نتیجہ نہیں، افغان فورسز مزاحمت تیز کر کے طالبان کی پیش قدمی روک بھی سکتی ہیں۔

افغان طالبان نے آج بدخشاں صوبے کے دارالحکومت فیض آباد پر بھی قبضہ کر لیا ہے،فیض آباد پر کنٹرول کے بعد شمال مشرقی افغانستان پر طالبان کا قبضہ مکمل ہوگیا۔

دوسری جانب  افغان صدر اشرف غنی طالبان کے محاصرے میں آئے شہر مزار شریف پہنچ گئے،افغان میڈیا کے مطابق  اشرف غنی طالبان کے مقابلے کے لیے جنگی سرداروں کا حوصلہ بڑھانے مزار شریف پہنچے۔لغمان، لوگر، پکتیا، اورزگان، زابل، بلخ،کپیسا اور بغلان صوبوں میں طالبان اور افغان فورسز کے درمیان لڑائی جاری ہے۔