روس کا کابل میں سفارتخانے سے عملہ نہ نکالنے کا اعلان

غیر ملکی خبر رساں ادارے کے مطابق نمائندہ خصوصی ضمیر کابلوف کا کہنا ہے کہ   سفارتی عملے کو کابل سے نکالنے کا کوئی منصوبہ نہیں ہے، مستقبل قریب میں کابل پر طالبان کا قبضہ نہیں دیکھ رہے ہیں ۔

ضمیر کابلوف نے مزید کہا کہ   اشرف غنی حکومت سیاسی سمجھوتے کے لیے ذہن بنائے اور بامعنی مذاکرات کی طرف آئے۔

مزید پڑھیں : شیخ رشید کا افغانستان میں پھنسے صحافیوں کیلئے اہم ویزا پالیسی کا اعلان

مزید پڑھیں : حکومت پنجاب کے تمام ترجمان فارغ، نوٹیفکیشن جاری

دوسری جانب  طالبان نے افغانستان کےدوسرے اہم ترین شہر قندھار کا کنٹرول بھی حاصل کر لیا ہے۔افغانستان کے مختلف شہروں اور صوبوں میں طالبان کی پیش قدمی تیزی سے جاری ہے۔افغان شہر غزنی اور ہرات پر بھی طالبان کا قبضہ ہوگیا ہے۔ طالبان کے زیر قبضہ صوبوں کی تعداد 12ہوگئی ہے۔ غیرملکی میڈیا کے مطابق طالبان دارالحکومت کابل سے محض 130 کلومیٹر دور رہ گئے ہیں۔

طالبان اب شمالی افغانستان کے بیشترحصے اور ملک کے تقریباً ایک تہائی علاقائی دارالحکومتوں پر قابض ہیں۔  قندھار پر قبضہ طالبان کی بڑی کامیابی سمجھا جا رہاہے۔ یہ شہر کبھی طالبان کا گڑھ تھا۔ اور ایک اہم تجارتی مرکز کے طور پر حکمت عملی کے لحاظ سے اہم  شہرہے۔

افغانستان میں طالبان کی پیش قدمی میں گذشتہ چند دن کے دوران تیزی دیکھی گئی ہے اور انھوں نےایک ہفتے میں 12  اہم شہروں پر قبضہ کرلیا ہے۔