پاکستان واپڈا کا اولمپیئن ارشد ندیم اور طلحہ طالب کو انعام دینے کا اعلان

تفصیلات کے مطابق واپڈا کا ارشد ندیم کے کوچ کو بھی 5لاکھ کا انعام دینے کااعلان،جبکہ ارشد ندیم کا کہنا ہے کہ چیئرمین واپڈا لیفٹیننٹ  جنرل ریٹائرڈ مزمل حسین کا شکریہ ادا کرتا ہوں، واپڈا وہ پلیٹ فارم ہے جو پورے پاکستان میں کھلاڑیوں کو موقع دیتا ہے،واپڈا کی جانب سے سہولیات فراہم کرنے کی وجہ سے  میں یہاں تک پہنچا ہوں ۔

انہوں نے کہا ہے کہ پاکستان سپورٹس بورڈ اور ڈاکٹر فہمیدہ مرزا کا شکریہ کرتا ہوں،آگے جو بھی گیمز آ رہی ہیں ان میں مزید اچھا پرفارم کروں گا،زندگی میں آج تک اتنا بڑا انعام واپڈا کی جانب سے کسی کھلاڑی کو نہیں دیا گیا ایسی حوصلہ افزائی سے کھلاڑی کی ہمت میں اضافہ ہوتا ہے ۔

طلحہ طالب کا کہنا ہے کہ واپڈا اور سپورٹس بورڈ کا شکریہ کرتا ہوں، آئندہ بھی پاکستان کا نام پوری دنیا میں روشن کروں گا۔

چئیرمین واپڈا لفٹیننٹ جنرل ریٹائرڈ مزمل حسین کا کہنا ہے کہ پاکستان میں گزشتہ چند  دہائیوں سے سپورٹس تنزلی کا شکار ہے ،سہولیات کے فقدان کے باوجود انہوں نے پاکستانی جھنڈا بین الاقوامی فارم پر بلند کیا۔

ان کا مزید کہنا تھا کہ ملک میں محب الوطنی اور اتحاد سپورٹس کے ذریعے ممکن ہے،سپورٹس باڈیز کے آپسی میں اختلافات کی وجہ سے بھی سپورٹس ترقی نا کر سکی ،ہماری کوشش ہے کہ واپڈا کا نشان اور ملک کا نشان پوری دنیا میں چمکے۔